web counter
LEXO PA REKLAMA!

SHKARKO APP

App Store
Google Play

E fundit!

x

Destinacionet e preferuara të Shqiptarëve për udhëtimet e fundvitit/ Dubai dhe qytetet e mëdha europiane kryesojnë listën

26 Dhjetor 2022, 16:52, Aktualitet CNA
Destinacionet e preferuara të Shqiptarëve për udhëtimet e
Dubai

Shqiptarët në përgjithësi i përmbahen traditës, ku festat e fundvitit preferojnë t’i kalojnë pranë familjes.

Por gjithsesi ka edhe nga ata që zgjedhin që me rastin e festave të bëjnë një udhëtim brenda ose jashtë vendit.

Operatorët turistikë thonë se destinacionet më të kërkuara janë vendet e rajonit, qytetet e mëdha europiane dhe Dubai.

“Numrin më të madh të klientëve për momentin e ka Ulqini, me paketë dy ditore, nata e vitit të ti dhe 1 janari. Ndërkohë lëvizje me numra të mëdhenj ka edhe në Dubai, në Stamboll në destinacione të tjera si Parisi, Barcedlonë, Firence, në Madrid, Vjenë, Budapest”, thotë për ABC Besnik Vathi, operator turistik.

Sipas Vathit, shqiptarët këtë vit kanë rezervuar më shumë udhëtime se san ë vitin 2019 (para pandemisë), por prap kjo shifër mbetet më e ulët krahasur me rezervimet e biletave për festat e nëntorit.

 “Bëhet fjalë për lëvizje me numër më të madh sesa viti i fundit para pandemisë 2019, ka një rritje, por në krahasim me festat e nëntorit është lëvizje më e ulët sesa për festat e nëntorit. Ndoshta edhe sepse u konsumuan udhëtimet dhe pushimet”, tregon ai.

Më tej ai tregon se edhe shqiptarët e Kosovës, bëjnë rezervime biletash në Shqipëri, pasi shpesh e kanë më të lehtë që të shkojnë në disa destinacione, duke u nisur nga vendi ynë.

 “Shqiptarët e Kosovës ka vite që janë pjesë e organizimeve që bëjmë ne duke u bashkuar me turistët nga Shqipëria, madje edhe nga Mali i Zi, sidomos në udhëtimet me avion sepse nga Shqipëria është më e mundshme të fluturohet në disa destinacione”, thotë Vathi.

Destinacioni më i kërkuar në Shqipëri për të kaluar festat është Korça, vijon operatori turistik./CNA.al





Lajmet e fundit nga