web counter
LEXO PA REKLAMA!

SHKARKO APP

App Store
Google Play

E fundit!

x

Të ecësh dy ditë nëpër male të thepisura/ Historia e pazakontë e babait dhe birit të tij postier

26 Dhjetor 2022, 13:09, Aktualitet CNA

Të ecësh dy ditë nëpër male të thepisura/ Historia

Kyrel dhe Ioland janë ndryshe nga postierët e tjerë të botës.

DW sjellë historinë e babait dhe të birit të tij postier dhe sakrificat e profesionit të tyre.

Në La Réunion, zonën franceze përtej oqeanit, babë e bir pa përtuar asnjëherë letrat postare ua çojnë njërezve me këmbë, aty ku automjeti nuk shkon dot.

Shpeshherë për të përmbushur misionin e tyre si postier të denjë Kyrel dhe Ioland mund të ecin edhe 2 ditë në këmbë në zonat e thepisura të La Reunion, në një fshat ku ka rreth 30 shtëpi.

Kyrel thotë se kutitë postare nuk kanë emra të shkruar sipër tyre ndaj dhe për ta është një sfidë e madhe që të mbash mend emrat e të gjithë banorëve të kësaj zone, edhe pse numri i tyre është i pakët.

Kyrel në asnjë moment nuk shprehet se lodhet nga puna që bën, madje për të, të ecurit në natyrë është qetësuese dhe largimi nga ajri i mbytur i qytetit.

Ioland thotë se i biri i tij e ka shoqëruar që në moshën 9-vjeçare teksa ai shpërndante letrat postare.

Nga ana tjetër Kyrel thotë se të shoqëronte babain e tij gjatë orareve të punës u kthye në një pjesë të bukur të fëmijërisë së tij.

Ioland shprehet se dikur puna e postierit ishte shumë ndryshe.

“Ne na paguanin për të lexuar letrat postare sepse në luginat e thella askush nuk dinte të lexonte. Sot është ndryshe fëmijët e banorëve të luginës janë rritur dhe kanë mësuar të shkruajnë dhe të lexojnë”, u shpreh Ioland.

Për të dy ky profesion është më shumë se punë, ata kanë krujuar miqësi të ngushtë me banorët duke u bërë kështu pjesë e familjes së madhe të këtij komuniteti./ CNA.al

 

 

 





Lajmet e fundit nga