LEXO PA REKLAMA!

SHKARKO APP

Historiania tregon arsyet/ Pse dhunonen monumentet

27 Dhjetor 2022, 22:40, Aktualitet CNA
Historiania tregon arsyet/ Pse dhunonen monumentet
Historiania Nevila Lika

Historiania Nevila Lika ka treguar disa nga arsyet se përse dhunohen monumentet nga qytetarë të ndryshëm, duke marrë shkas nga dhunimi i bustit të Mit’hat Frashërit.

Lika tha në emisionin e Erla Mëhillit se një nga arsyet është mosshkëputja nga e kaluara e periudhës komuniste.

Dy arsye të tjera, sipas saj mund të jenë edhe kujtimi i trazirave të Luftës së Dytë Botërore, apo të periudhës së mbretërimit të Zogut.

“Arsyet janë të shumta, ndoshta nuk del një emision për t’i thënë të gjitha. Ne ende nuk po shkëputemi dot nga e kaluara e periudhës komuniste. Jemi vazhdimisht në atë tollovinë e çfarë ndodhi gjatë Luftës së Dytë Botërore, shkojmë pak më tutje, edhe të periudhës së mbretërimit të Zogut.

Ndër breza, ka vazhduar një lloj indoktrinimi apo një tollovi në zemrat, shpirtin apo mendjen e shqiptarit të thjeshtë. Ka diçka që nuk shkon në shoqërinë tonë”, theksoi historiania./ B.A. – CNA.al

Lajmet e fundit nga