web counter
LEXO PA REKLAMA!

SHKARKO APP

App Store
Google Play

Skandali/ Autoriteti: Dosjet nuk janë hapur

28 Dhjetor 2022, 15:03, Aktualitet CNA

Skandali/ Autoriteti: Dosjet nuk janë hapur

Nuk mund të ndodhte ndryshe, ishte e pritshme.

CNA.al pak ditë më parë i çoi një letër zyrtare Autoritetit të Dosjeve ku i kërkoi hapjen e tyre për një sërë personazhesh.

Sipas ligjit dhe sipas asaj që u tha në Parlament nga Enkelejd Alibeaj, por edhe nga kryeministri Rama dhe grupi parlamentar i PS-së, se dosjet janë hapur, tani të gjithë do t’i shikonim, mjafton që ligji të hynte në fuqi.

Ne pritëm që ligji të hynte në fuqi, të dekretohej nga Presidenti dhe morëm disa emra, dhe i kërkuam Autoritetit të Dosjeve të na vinte në dispozicion dosjet e tyre.

Siç e shikoni në letrën e mëposhtme, ne i kërkuam Autoritetit të Dosjeve të hapnin dosjet për disa nga personalitetet.

Skandali/ Autoriteti: Dosjet nuk janë hapur

Zgjodhëm kryetaren e Kuvendit, Lindita Nikolla, ministrin e Brendshëm, Bledi Çuçi, dhe ministrin e Mbrojtjes, Niko Peleshi, që janë njerëzit kyç të sigurisë.

Një ish-kryeministër që ka qenë dhe President dhe kryetar Kuvendi, siç është rasti i zotit Ilir Meta, por dhe njerëz nga fusha e medias siç janë Blendi Fevziu dhe Fahri Balliu apo edhe nga analistët apo opinionistët si Artan Hoxha.

Skandali/ Autoriteti: Dosjet nuk janë hapur

Skandali/ Autoriteti: Dosjet nuk janë hapur

Sot na ka ardhur përgjigjja nga Autoriteti i Dosjeve. Sipas letrës së gjatë të përgjigjes, thuhet thjesht dhe vetëm se dosjet nuk janë hapur.

Autoriteti pranon publikisht me një shkresë zyrtare se nuk janë hapur dosjet.

Pra, ajo çfarë na u tha ishte një gënjeshtër. Ne nuk kemi kërkuar asgjë, kemi kërkuar thjesht dhe vetëm atë që na tha në parlament.

Morëm fjalët e kryeministrit, të Taulant Ballës, të Enkelejd Alibeajt, të deputetëve që na thanë se dosjet u hapën. Dhe kështu besuam.

Dhe për këtë, bazuar në të gjitha referencat ligjore çuam kërkesën tonë. Përgjigjja është si më poshtë.

Skandali/ Autoriteti: Dosjet nuk janë hapur

Autoriteti thotë se e ka dosjen e Ilir Metës, po nuk mund ta hap sepse nuk ka kërkesë nga ky person ose nga një autoritet.

Skandali/ Autoriteti: Dosjet nuk janë hapur

Në fakt Autoriteti i Dosjeve për Ilir Metën u aktivizua nga një e-mail anonim.

Skandali/ Autoriteti: Dosjet nuk janë hapur

Ndërsa kur një media zyrtare, një media e njohur, një nga mediat e shumta në vend kërkon zyrtarisht të dhënat për t’i publikuar, Autoriteti na thotë se dosja është, u vu në lëvizje nga anonimi, pra e kemi dosjen, por nuk mund ta japim, duhet ta kërkojë një autoritet, institucion ose vetë individi.

Në fakt ligji kështu e ka pasur edhe më parë që vetë individi bënte një kërkesë dhe i hapej dosja.

Ne kemi renditur disa emra, ne mund t’u kërkojmë publikisht atyre të na japin një autorizim, apo të çojë një autorizim dhe ta dorëzojë në dosjen që ta bëjmë publike. Por ne nuk kishim këtë qëllim.

Qëllimi ynë ishte një dhe vetëm një. Për të nxjerrë përpara shqiptarëve të vërtetën. U hapën apo nuk u hapën dosjet. Autoriteti sot me një shkresë, thotë se jo.

Dosjet nuk janë hapur, ju nuk mund të merrni dosjet e personave që kërkoni, megjithëse kemi zbatuar pikë për pikë çdo referencë ligjore.

Pra, jemi një media dhe kërkojmë transparencë për personazhe që paguhen nga taksat e shqiptarëve. Që janë njerëz me influencë publike siç thotë ligji.

Pra, ministra, kryeministra, kryetar Kuvendi dhe gazetarë. Ne kemi marrë dhe konfirmimin e disa prej personave që janë në listën që i çuam Autoritetit për kërkesë, të cilët na kanë thënë se janë të gatshëm të na japin autorizimin për t’ua hapur dosjet atyre.

Por, në fakt këto dosje në këtë lloj forme kanë qenë të hapura.

Pra, kushdo që shkonte si individ e merrte. Pyetja është: Pse pengohen sot mediat të hapin dosjet? Në vitin 2022, 31 vite pas rënies së diktaturës komuniste.

Sot dhe pas 31 vjetësh vazhdon dhe bëhet propagandë për antikomunizmin nga Enkelejd Alibeaj nga deputetët e PS-së, nga deputetë të Lulzim Bashës, por edhe të Sali Berishës dhe Ilir Metës.

Sulmohet Autoriteti, mbrohet autoriteti, hapen dosjet, u mbyllën dosjet. Në fakt  nuk ka një hapje të vërtetë dosjesh, dokumenti i mëposhtëm tregon gjithçka.

Tregon se dosjet nuk janë hapur, se gjithçka ishte propagandë për të mbajtur me oksigjen një grup të dështuar politikanësh që gënjyen me javë të tëra shqiptarët me tezën se u hapën dosjet. Në fakt dosjet nuk janë hapur, thjeshtë dhe vetëm është luajtur me ligjin./CNA.al





Lajmet e fundit nga