LEXO PA REKLAMA!

SHKARKO APP

Serat me drogë që “hëngrën” kokat e drejtuesve të Policisë, në duar të SPAK-ut

29 Dhjetor 2022, 12:41, Aktualitet CNA

Serat me drogë që “hëngrën” kokat e drejtuesve

Serat e kanabisit të Beratit do të hetohen nga SPAK-u, pasi prokuroria vendore ka shpallë moskompetencën.

Gazetarja Klodiana Lala ka bërë me dije se prokurorët kanë dalë në përfundimin se ka dyshime që aktiviteti zhvillohej nga 2 grupe kriminale.

Kujtojmë se për serën e drogës në Berat, ku u sekeustruan 800 kg kanabis, janë arrestuar 11 persona dhe janë vënë nën hetim 95 gra.

Sera e drogës u kushtoi dhe disa punonjësve të policisë së Beratit.

Kujtojmë se Drejtori i Përgjithshëm i Policisë, Muhamet Rrumbullaku, ka firmosur përjashtimin e Baki Musakut, Shef Sektori për Krimet në Policinë e Beratit, Sokol Lazajt, Shef i Komisariatit të Policisë Berat, Ardit Hasanbegajt, Shef i Seksionit për Krimet në Komisariatin e Policisë Berat, Artan Musaj, Shef i Stacionit të Policisë Dimal, Miço Rakazija, Specialist për Krimet, në Stacionin e Policisë Dimal, Vladimir Toska dhe Gazmend Sulaj, të dy ndihmësspecialistë për policimin në Komunitet, në Stacionin e Policisë Dimal.

I ndëshkuar përfundoi edhe drejtori i Policisë së Beratit, Edmond Tarkaj, i cili u shkarkuar nga kjo detyrë. Tarkaj është ulur një gradë më poshtë nga ajo që kishte “Drejtues i Parë” dhe për 6 muaj është transferuar në Akademinë e Sigurisë./CNA.al

Lajmet e fundit nga