LEXO PA REKLAMA!

SHKARKO APP

Kryemadhi denoncon ministren e Ramës/ Shpërdoron fondet e BE-së për klientët e inceneratorëve

14 Maj 2022, 16:23, Politikë CNA
Kryemadhi denoncon ministren e Ramës/ Shpërdoron fondet e BE-së

Kryetarja e LSI-së, Monika Kryemadhi, ka denoncuar abuzimin dhe shpërdorimin e fondeve të Bashkimit Europian.

Kryemadhi deklaron se ministrja e Bujqësisë, Frida Krifca, ka miratuar projekte klienteliste përmes Agjencisë së Zhvillimit Bujqësor Rural.

Kryetarja e LSI-së thotë se fondet e BE-së janë investuar për ndërtimin e një sere pranë inceneratorit të Tiranës, që sipas saj është pronë e klientëve të inceneratorëve.

?Krahas buxhetit të shqiptarëve, qeveria e Edi Ramës ka shpërdoruar edhe fondet e BE-së duke miratuar projekte klienteliste përmes AZHBR.

E tillë është edhe kjo serë pranë inceneratorit të Tiranës. Investim ky, që i takon kohës së drejtimit nga ministrja Krifca, por i pa promovuar nga ana e saj. Shqiptarëve u jepet luga bosh, klientëve të inceneratorëve u shtrohet tapeti i kuq për të fituar çdo gjë.

Goditja pa kompromis e abuzimit të detyrës dhe korrupsionit në nivelet e larta, është kyç për të dekriminalizuar politikën dhe realizuar një shtet të së drejtës me standarde evropiane?, shkruan ajo në rrjetet sociale./ CNA.al

Lajmet e fundit nga