web counter
LEXO PA REKLAMA!

SHKARKO APP

App Store
Google Play

E fundit!

x

PD-ja, në krizë/ Berisha “ia numëron një më një” Bashës

14 Maj 2022, 17:02, Politikë CNA

Teksa Partia Demokratike po përpiqet të rimëkëmbet nga kriza, ish-lideri historik i PD-së, Sali Berisha, ka listuar një e nga një bëmat e Lulzim Bashës në kohën kur ishte në krye të PD-së.

Nga Fieri, ku po mban një takim me demokratët në sajë të fushatës, Berisha tha se Basha shkelmoi Kushtetutën e partisë, ligjet e vendit dhe vullnetin e anëtarësisë.

Ish-kryeministri ngriti akuzat se Basha mori vendime tërësisht autokratike dhe antidemokratike.

“Ish-kryetari i PD-së i lejoi vetes në mënyrën më autokratike, duke shkelmuar mbi Kushtetutën e partisë, statutin, duke shkelmuar edhe mbi ligjet e vendit, mbi vullnetin e anëtarësisë, i shprehur ky vullnet në Statut në forumet e saj. Mori vendime tërësisht autokratike, antidemokratike, mori vendime me të cilat nuk ndërtohet demokracia, të cilat në fakt në aparencë në mënyrë identike, nuk i marrin as partitë marksiste-leniniste, se edhe ato ndjekin një procedurë. Ngritja juaj në këmbë nuk ishte asgjë tjetër në thelb përveçse një betejë kundër autokracisë, për të vendosur normat demokratike. Ishte një betejë mes legjitimes dhe jo legjitimes, por nuk ka betejë më të rëndësishme për një shoqëri të lirë.

Në rast se duam të jemi të lirë, ne duam të zbatojmë ligjet, të cilat ndër të tjera na diktojnë se liria e gjithsecilit prej nesh përfundon aty ku fillon liria e tjetrit. Nuk mund t’ia prekim ne lirinë. Ju e patë si u bëmë ne, lëshonte komunikatë, përjashtohet ky, ai, shkarkohet ky e shkarkohet ai, gjithçka bëhej në mënyrë të paligjshme. Kurse ne u ngritëm së bashku kundër këtij arbitrariteti, ilegjitimiteti dhe çdo gjë që bëmë deri sot e bëmë bazuar në votën e lirë. Kjo ka rëndësi kapitale nëse nuk jemi një parti e votës së lirë, ne do të ishim fatkeqësi kombëtare për vendin”, theksoi Berisha./ CNA.al





Lajmet e fundit nga