web counter
LEXO PA REKLAMA!

SHKARKO APP

App Store
Google Play

Balla kërcënon arsimtaren në Elbasan?/ Demokrati i kërkon llogari Berishës

13 Maj 2022, 16:33, Politikë CNA

Një nga demokratët që ishte i pranishëm në takim me Berishën ka ngritur një shqetësim për mbrojtjen e votës dhe opozitën.

Në fjalën e tij, ai tha se bandat e Taulant Ballës dhe vetë ky i fundit i kanë kërcënuar nënën arsimtare, e cila ka përfunduar në spital.

Demokrati i ka kërkuar llogari Berishës se çfarë do bëjë opozita dhe sa garant do u dalë demokratëve. Nëse një gjë e tillë nuk ndodh, ai tha se baza nuk do e ndjek më nga mbrapa, sepse deri tani sipas tij i ka dhënë më shumë se çfarë meriton.

Demokrati pati vlerësim për deputetin Luçiano Boçi që i ka mbështetur qytetarët e Elbasanit, ndërsa për kreun e PD në këtë qytet Blendi Himçi pati mjaft rezerva.

?Unë jam Altin Bica nga Labinoti. Opozita duhet parë si kontribuese apo si përfituese? Besoj se baza ju ka dhënë më shumë se ccfarë e meritonit, sepse edhe  Gaz Bardhi edhe Lul Basha ishte e jotja nuk e morëm ne nga Elbasani. Tani në zgjedhjet e ardhshme si do përballemi që mos na vijnë më bandat e Taulant Ballës dhe dhe Taulant Balla vetë që të më kërcënojnë mua atë nënën time 41 vjet arsimatre dhe ta çoj në spital. Për votën e ndershme ju keni përgjegjësi totale, ndryshe mos hajdeni të përballeni me njerëzit këtu. I vetmi profesori që e ka ruajtur dinjitetin, jo se po ja them për ti bërë qejfin por ka ruajtur kauzat e qytetit që është përgjigjur. Dhe ky kryetari i ri ti heqë çorapekuqet dhe të veshë çorapet e Elbasanit dhe të përgjigjet me votuesit, ti mbledhë si klloçka zogjtë e vetë. Nëse ju e bëni këtë na keni mbrapa, nëse ju nuk e bëni nuk ju ka faj baza, se ju vlerësoj baza, ju ka nxjerrë deputet me 1400 vota baza?, tha demokrati./CNA.al





Lajmet e fundit nga