web counter
LEXO PA REKLAMA!

SHKARKO APP

App Store
Google Play

E fundit!

x

Beteja e 22 majit/ Berisha tregon synimin e PD

13 Maj 2022, 15:24, Politikë CNA

Ish kryeministri Sali Berisha po zhvillon një takim me demokratët e Elbasanit, në kuadër të zgjedhjeve të PD që do mbahen në datën 22 maj.

Në nisje të fjalës së tij, Berisha tha se ai vjen nga një tur i gjatë me çdo demokrat në vend, ndërsa nxori në pah problemet me të cialt po hasen shqiptarët.

Sipas tij, synimi i PD është që ta kthejë Shqipërinë në vendin europian, ashtu siç e kanë ëndërr të rinjtë e arsimuar.

?Shpreh kënaqësinë e madhe që jam para jush me një grup të rinjsh të cilët më së shumti simbolizojnë atë çka duhet të jemi ne nesër dhe në të ardhmen tonë. Atë çka synon PD që Shqipërinë ta bëjmë siç i kanë ëndrrat këta të rinj të shkolluar që punojmë për vendin.

Unë kam ardhur pranë jush pas një turi të gjatë disa mujor. Kemi diskutuar bashkë probleme të shumta. Ne së bashku e dimë diagnozën. Gjithmonë kam menduar dhe mendoj nga tja nisim për të ndryshuar këtë shoqëri dhe këtë vend. Çfarë duhet të bëjmë ne për të realizuar qëllime që vendi të mos rrokulliset të mos pakësohet dhe varfërohet, por edhe të mos poshtërohet. Në veten time vi me ju me bindje të thellë se së bashku duhet ta nismi me dashurinë për vendin. Asgjë nuk jep më shumë dhe nuk kushton më pak.

Dua ta nisim nga ajo që u mëkojmë fëmijëve tanë, sepse kur e shikon këtë vend në çdo skaj e kudo është një vend me potenciale të mëdha që ne të gjithë duhet të jetonim jo si në Zvicër por krejt më ndryshe nga çfarë jetojmë. Ky është një vend që fëmijët tanë duhet të ndërtojnë ëndrrat e tyre?, tha Berisha./CNA.al





Lajmet e fundit nga