web counter
LEXO PA REKLAMA!

SHKARKO APP

App Store
Google Play

Kriteret për Presidentin/ Boçi nxjerr “zbuluar” Alibeajn

13 Maj 2022, 12:12, Politikë CNA

Negociatori i Rithemelimit, Luçiano Boçi, ka reaguar pas deklaratës së deputetit Enkelejd Alibeaj, i cili tha se PD-ja ka propozuar kriteret për Presidentin e ri.

Në një postim në rrjetet sociale, Boçi shkruan se grupi i PD-së nuk ka miratuar asnjë dokument kriteresh për zgjedhjen e Presidentit.

?Kjo e folura dhe paraqitja e vendimeve personale në emër të Grupit parlamentar të PD-së përpos që është qesharake, mbetet një hile bajate, për të marrë atribute të paqena dhe për të mbajtur gjallë një përçarje që dihet se kujt i shërben.

Grupi Parlamentar i PD-së nuk ka miratuar asnjë dokument kriteresh apo procedure për zgjedhjen e Presidentit, siç e paraqet z. Alibeaj.
Nuk ka pasur as vendim të Kryesisë së grupit parlamentar, as mbledhje të grupit, as takim me kuorum për ta quajtur mbledhje grupi dhe as dakordësi në takimet pa kuorum.

Ky lloj keqpërdorimi i sinqeritetit dhe dëshirës së deputetëve të PD-së për të negociuar dhe propozuar Presidentin duhet të marrë fund.

PD-ja ka organet e saj vendimmarrëse dhe ka miratuar rezolutën për zgjedhjen e Presidentit në Këshillin Kombëtar.
Grupi parlamentar është i unifikuar në idenë që është opozita ajo që duhet të propozojë.

Çdo përpjekje e Alibeajt për të paraqitur një opozitë false të emëruar nga Rama-Balla për të shpëtuar faqen e Ramës faqe botës, nuk pranohet.

Ne do të vazhdojmë misionin e PD-së për të përafruar qëndrimet për procesin dhe emrin me të gjitha partitë opozitare në nivel politik e parlamentar.?-shkruan deputeti Boçi./CNA.al





Lajmet e fundit nga