web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhjet për kreun e ri të shtetit/ Alibeaj ripërsërit vetveten

13 Maj 2022, 09:44, Politikë CNA

Pasi refuzoi kërkesën e mazhorancës për të marrë pjesë sot në negociatat për zgjedhjen e Presidentit, Enkelejd Alibeaj ka dalë në një deklaratë për mediat, ku ka vijuar të thotë të njëjtat deklarata.

Alibeaj tha se procesi, procedura, janë ato që përcaktojnë kriteret e kreut të ri të shtetit.

Po ashtu, ai theksoi se kriteret duhet të propozohen nga opozita dhe se kushti ishte një president antikomunist.

?Figura e Presidentit do një proces real. Duhet një figurë presidenciale e shqiptarëve, që të dalë mbi palët, t’u qëndrojë të gjitha sfidave.

Ne jemi ofruar për të pasur një proces të sinqertë, bazuar në kritere, në procedurë. Kjo është garancia e një produkti siç e duan shqiptarët, qytetarin e parë që simbolizon unitetin e popullit.

Kam përcjellë qëndrimin zyrtar të grupit të PD-së mazhorancës dhe e shohim të urdhës që ky process duhet të jetë i tillë që as në aparencë të mos perceptohet si farsë .

Tri raundet e para duhet pjesëmarrje substanciale e opozitës.

Mazhoranca nuk e ka legjitimitetin për të zgjedhur Presidentin, janë të paktën tre deputetë të gjeneruar nga një individ ‘non-grata’, flas për Tom Doshin.

Dy të tjerë Aqif Rakipi dhe dy të tjerë janë sot pas hekurave.  

Mazhoranca nuk ka legjitimitet as për ta zgjedhur e vetme dhe as të bëjë lojëra Edi Rama.

Është e kuptueshme për këdo që e drejta për të propozuar i takon së pari Opozitës. Për këtë arsye ne kemi propozuar kritere, sepse kemi një detyrim. Së pari duhet një president antikomunist?-tha Alibeaj./CNA.al





Lajmet e fundit nga