web counter
LEXO PA REKLAMA!

SHKARKO APP

App Store
Google Play

E fundit!

x

Thirrjet e Ramës për SPAK-un/ Denaj: PS-ja ka investuar për reformën, duhen më shumë rezultate

12 Maj 2022, 18:15, Politikë CNA

Përgjatë ditëve të fundit, kryeminsitri Edi Rama ka shtuar kritikat ndaj SPAK-ut për rezultatet e deritanishme, ku i ka kërkuar hetim jo vetëm për Sali Berishën dhe Ilir Metën, por edhe për ish-gjyqtarë e prokurorë që janë shkarkuar nga vettingu.

Këto deklarata të Ramës janë komentuar nga deputetja e PS-së, Anila Denaj, e cila tha se mazhoranca ka investuar për reformën në drejtësi dhe ka të drejtë legjitime të kërkojë më shumë rezultat.

Në një intervistë për emisionin “Debat” në A2CNN, ajo tha se SPAK-u duhet të japë rezultate konkrete për të krijuar besim te publiku.

?Dua të flas për çështjen që lidhet me deklaratën me kryetarin e PS-së në lidhje me kërkesën për reformën në drejtësi për të prodhuar më shumë. E ka thënë kudo që pritshmëritë e qytetarëve janë për më shumë rezultat. 5 vjet reformë dhe 3 vjet SPAK kjo masë është akoma e munguar. Ky është thelbi. Nuk duhet parë si një ndërhyrje në organet e drejtësisë, duhet parë si një kërkesë për të prodhuar më shumë rezultat ndaj një reforme që vetë PS-ja e ka çuar përpara, e ka financuar sepse vetë buxheti i shtetit ka alokuar përgjatë gjithë viteve, një mbështetje buxhetore për të gjitha institucionet përgjegjëse për të realizuar reformën në drejtësi dhe sigurisht ka një detyrim moral për të realizuar një kërkesë për një rezultat akoma më të lartë shqiptarëve. Ne po flasim për një numër të konsiderueshëm gjyqtarësh dhe prokurorësh që dalin nga sistemi i drejtësisë. Nuk mjafton të dalësh vetëm nga puna për sa kohë ke konsumuar vepër penale. Të kërkosh është legjitime sepse kemi investuar?, tha Denaj./CNA.al





Lajmet e fundit nga