E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Zgjedhjet për kreun e PD-së/ Kërkesa për kandidatët

12 Maj 2022, 12:54, Politikë CNA

Në mbledhjen e radhës së Komisionit të Organizimit dhe Kontrollit të Operacioneve Elektorale, u diskutua kalendari i takimeve të kandidatëve për Kryetar të PD-së.

Bëjmë me dije se z. Sali Berisha ka dorëzuar pranë Komisionit kalendarin e takimeve për pesë ditët në vijim.

Ndërkohë, z. Ibsen Elezaj, nuk ka dorëzuar ende asnjë kërkesë për takime në degë.

Bazuar në Rregulloren e Brendshme mbi Modalitetet e Procesit Zgjedhor për Kryetar të Partisë Demokratike, pikat 3, 5, 7 dhe 9, kandidatët janë ftuar të dërgojnë pranë Komisionit një draft Kalendar.

Komisioni ka për detyrë që menjëherë pas marrjes së kërkesës nga kandidatët apo përfaqësuesit e tyre të kontaktojë me degët përkatëse dhe të sigurojë njoftimin e anëtarësisë për çdo takim.

Komisioni ka marrë të gjitha masat për t’i siguruar çdo kandidati:

– Listën dixhitale të anëtarësisë;

– Ambiente pune dhe infrastrukturën e nevojshme elektorale si në Selinë Qëndrore ashtu edhe në selitë e degëve;

– Listën e kontakteve të drejtuesve në çdo degë të PD-së;

– Akses të plotë në zyrën e shtypit të PD-së.

Komisioni i Organizimit dhe Kontrollit të Operacioneve Elektorale bën me dije që Komisioni mblidhet çdo ditë në orën 10.30.

Ai qëndron në gatishmëri për t’u mbledhur në çdo moment të ditës sa herë që ka nevojë për një vendimmarrje për të akomoduar çdo kërkesë të secilit kandidat, vendim që i është bërë me dije përfaqësuesve të kandidatëve për Kryetar.

Njëkohësisht, Komisioni u kërkon kandidatëve që të respektojnë deklaratën e firmosur nga ana e tyre për ruajtjen e normave të komunikimit etik politik, fokusimin në fushatë pozitive duke u përqëndruar te platformat dhe alternativat politike si dhe mospërfshirjen në retorikë negative.

Komisioni është i angazhuar e do të vijojë punën me përkushtim për të garantuar garë të barabartë, procedura transparente në mënyrë që demokratët të zgjedhin me votë të lirë, të fshehtë, të barabartë e të drejtpërdrejtë Kryetarin e Partisë Demoratike.