Kush është deputeti me vilë 760 mijë euroshe/ Bardhi: Ka qenë ministër në kohën e PD-së

12 Maj 2022, 10:36, Politikë CNA

Deputeti Gazment Bardhi ka denoncuar se një koleg i tij në PD, mbahet peng nga kryeministri Edi Rama përmes një vile 760 mijë euroshe.

I ftuar në emisionin “Open”, Bardhi nuk zbuloi emrin, por la të nënkuptohej se bëhej fjalë për njërin nga 4 emrat: Flamur Noka, Tritan Shehu, Edmond Spaho ose Bujar Leskaj.

Bardhi zbuloi vetëm detajin se është një person që ka qenë ministër dhe se ka marrë tendera dhe ka biznese me Ramën.

Pjesë nga intervista

Bardhi: Unë kam shtruar një pyetje, jo akuzë, ajo që unë ju nxis të verifikoni shitblerjen për të verifikuar se për kë politikan brenda PD-së bëhet fjalë. Ndryshe nga një pjesë brenda PD-së, unë nuk e kam betejën me kolegët brenda PD-së. Ai që e ka e ka kuptuar. Organet po i nxis të hyjnë dhe të hetojnë të mbledhin fakte. Janë online. Unë s?kam përgjegjësi për të bërë luftë brenda partisë. Ka qenë ministër?

Është një qëndrim për të treguar njerëzit që janë peng i Regjimit të Ramës dhe që bërtasin jeni peng vetëm se ne mendojmë se Berisha nuk është e ardhmja e PD-së. E kam thënë se nëse duan të bëjnë diskutim se kush është i shitur tek Edi Rama jam i gatshëm ta bëj këtë diskutim drejtpërdrejt. Unë skam as HEC-e, nuk kam lekë për të fshehur nuk bëj biznes te Rama. Detyra ime është të denoncoj .

Nuk është shantazh. Ai dhe pjesa dërrmuese që janë si ai janë peng te Rama sepse kanë biznese me Ramën, kanë marrë HEC-e , kanë fshehur para, marrin tendera me kompani të miqve të tyre te qeveria e Edi Ramës. Me çfarë më ka blerë mua Rama?

Kjo është patjetër personale.

Është në dëm tuajin kjo që ju flisni dhe nuk thoni emrin.

S?ka rëndësi. Unë nuk tallem. Nuk është shantazh. S?bëj shatanzh. Kam një parim, që nëse duam të ndihmojmë demokratët për të kuptuar se kush është i shitur, janë i gatshëm që ta bëj këtë bisedë edhe përballë kolegëve të mi.

S’e kam bërë. Ajo që kam bërë është se kushdo që lëshon gojën me shpifje ndaj secilit që mendon ndryshe nga Berisha, do të kuptoj se peng janë të tjerë. Kësaj ftese timen publike, t?i përgjigjet pjesa tjetër. Po ftoj secilin prej kolegëve. Dëgjoj kolegë që thonë; Enkelejd Alibeaj është peng i Edi Ramës. Se kush është peng i Edi Ramës, nëse duam të bëjmë një diskutim, eja mblidhemi në grupin parlamentar dhe jam i gatshëm, jo vetëm për Vilën, por për HEC-in, për traun, që t?i shoh kolegët me sy, para kamerave. Dua të them diçka, të jem i sinqertë me secilin. Kolegët që po luftonin për bashkimin e PD-së, që i kanë qëndruar besnik dhe me kosto personale. S?kanë asnjë shkak dhe arsye për të qenë të shtypur./ CNA.al