web counter
LEXO PA REKLAMA!

SHKARKO APP

App Store
Google Play

Deputeti socialist ironizon situatën në PD/ Tabaku i përgjigjet “dhëmbë për dhëmbë”

11 Maj 2022, 15:41, Politikë CNA

Deputeti i Partisë Socialiste, Toni Gogu, ka ironizuar situatën në Partinë Demokratike, e cila aktualisht është në kulmin e debateve, me një fjalë të urtë popullore.

Gjatë fjalës së tij në mbledhjen e Këshillit Kombëtar të Integrimit ai tha se në këto momente nuk do të shohë ashklën në sytë e të tjerëve, por traun në syrin e tij.

?Lexova një raport që është në një linjë me raportin e DASH. Duke qenë se me Alibeaj kam bashkëpunuar më afër dhe gjatë në këto 6 muaj do i kujtoja një parim që jam përpjekur ta mësoj shumë herët. Të mos shoh ashklën në syrin e tjetrit por të merrem me traun që kam në syrin tim. Ju kemi ftuar të merremi me këto ashklat që po përpiqemi të nxjerrim nga sytë e Shqipërisë. Po ju nuk ju lë trau në mes të syrit tuaj?,  tha ai.

Kaq ka mjaftuar që të ketë një reagim të menjëhershëm nga deputetja e PD-së, Jorida Tabaku.

Ajo iu përgjigj ?dhëmbë për dhëmbë? duke thënë se në partinë e tyre ata i zgjidhin vetë problemet.

?Ju lutem kolegë të nderuar. Problematike në këtë rast janë këto ashklat e vogla që na kanë lënë tetë vite. Diskutojmë njëherë këto ashkla dhe pastaj problemet tona i zgjidhim vetë ne?, tha ajo./CNA.al





Lajmet e fundit nga