web counter
LEXO PA REKLAMA!

SHKARKO APP

App Store
Google Play

Balla i kundërpërgjigjet Shehut/ I kujton Dick Marty-n

11 Maj 2022, 11:35, Politikë CNA

Kreu i grupit parlamentar të PS-së, Taulant Balla, ka reaguar pas deklaratës së deputetit të PD-së, Tritan Shehu, i cili hodhi akuza ndaj mazhorancës socialiste, se po mbron interesat e Serbisë.

Në një deklaratë për mediat, Balla tha se ?Për dënimin e gjenocidit në Srebrenicë dhe të gjithë biem dakord që Shqipëria e ka dënuar këtë masakër. Shqipëria ka qenë mbështetëse e rezolutave në OKB për dënimin e gjenocidit dhe kemi përshëndetur vendimmarrjet e gjykatës së Hagës ndaj autorëve të kësaj masakre. Në këtë kontekst kemi pasur një propozim me propozuesin. Tritan  Shehut i kam kërkuar që këto çështje të kenë dakordësinë e të gjitha palëve dhe askush nuk duhet të marrë protagonizëm?.

Balla risolli në vëmendje raportin e Dick Marty-t, i cili pohonte se luftëtarët e Kosovës kishin kryer krime, deri në rrëmbimin e serbëve për t’ua trafikuar organet.

Sipas Ballës, momenti negativ ishte vota e PD-së pro këtij raport, në vitin 2011 në Asamblenë Parlamentare të Këshillit të Evropës.

Balla gjithashtu foli edhe për vizitën e Ramës dje në Hagë, ku takoi ish-presidentin e Kosovës, Hashim Thaçi.

?Për turpin e ndonjë kalengjiu në Tiranë që ende guxon ta quajë apo të shprehë epitete, ajo vizitë ishte shprehje kuptimplotë e vëmendjes që Shqipëria u jep çështjeve të Kosovës.

Në ka një moment negativ është vota e PD në mbështetje të raportit të Dick Marty-t, në Asamblenë Parlamentare të Këshillit të Evropës.?-tha Balla./CNA.al

?Mazhoranca kundër rezolutës që dënon gjenocidin në Srebrenicë?/ Shehu: Akt i rëndë, jam i befasuar





Lajmet e fundit nga