web counter
LEXO PA REKLAMA!

SHKARKO APP

App Store
Google Play

“Duhet reflektim”/ Xhafaj pranon dështimin në ngritjen e BKH-së?

10 Maj 2022, 12:55, Politikë CNA

Ish-ministri i Brendshëm, Fatmir Xhafaj, është shprehur kritik në lidhje me ngritjen e një prej strukturave të reja të drejtësisë, e njohur si BKH (Njësia e Posaçme Hetimore).

Në një intervistë për gazeten ?Tema?, Xhafaj thekson se jo gjithçka ka ecur me ritmin dhe efikasitetin e duhur dhe kjo kërkon reflektim serioz nga të gjithë faktorët përgjegjës për t?i dhënë BKH-së rolin që i ka dhënë Kushtetuta e ligji dhe për ta bërë atë realisht e sa më shpejt efektive brenda strukturës së SPAK-ut.

?Padyshim ?Njësia e Posaçme Hetimore? siç e emërton Kushtetuta, ose BKH siç e quajmë ndryshe, është ideuar si një strukturë e re, pjesë e sistemit të drejtësisë penale, me një pozicion të qartë strukturor e funksional veprimi, nën drejtimin e Prokurorisë së Posaçme, efektiviteti i së cilës është shumë i rëndësishëm për efektivitetin e gjithë strukturës së SPAK. (Gjykata e Posaçme, Prokuroria e Posaçme, BKH). Kemi pasur debat të fortë midis grupeve politike në parlament, brenda nesh në komisionin parlamentar apo edhe brenda ekipit të ekspertëve, për pozicionimin dhe rolin e BKH-së. Në fund është arritur në zgjidhjen më të mirë të pranueshme nga të gjitha palët me asistencën ndërkombëtare apo këshillat e vyera të Komisionit të Venecias.  Janë bërë disa hapa të mirë në ngritjen dhe funksionimin e kësaj strukture hetimore dhe policore me emërimin e drejtuesve të saj, përzgjedhjen dhe fillimin nga puna të një pjese të grupit të hetuesve dhe shumë shpejt mesa kam dijeni fillon edhe pjesa tjetër  e tyre.

Por ama, duhet pranuar se jo gjithçka ka ecur me ritmin dhe efikasitetin e duhur dhe kjo kërkon reflektim serioz nga të gjithë faktorët përgjegjës për t?i dhënë BKH-së rolin që i ka dhënë Kushtetuta e ligji dhe për ta bërë atë realisht e sa më shpejt efektive brenda strukturës së SPAK-ut.?-tha Fatmir Xhafaj./CNA.al





Lajmet e fundit nga