E fundit!

08:01 Kosova & Bota

Çfarë është stresi ekstrem i nxehtësisë?/ Brenda fenomenit vdekjeprurës që po përhapet në të gjithë Evropën

Sipas një studimi të ri të madh, disa pjesë të Evropës po ...

Nga Dvorani te Dedja dhe “peshkaqenët” me fytyrë njeriu/ Ramës nuk i del inati me SPAK-un

11 Maj 2022, 09:21, Politikë CNA

Kryeministri Edi Rama ka dalë sot në një deklaratë për mediat, ku ka vijuar t?u drejtojë mesazhe të forta institucioneve të drejtësisë.

Rama ka risjellë në vëmendje edhe vendimin e GJKKO-së, e cila një ditë më parë ka marrë të pandehur ish-kreun e Gjykatës Kushtetuese, Bashkim Dedja, për fshehje të pasurisë.

?Për të pushuar këta nga puna u ngrit një popull i tërë. Vettingu nuk çon njerëz para drejtësisë, garaton që zullumtarët të ikin nga sistemi i drejtësisë. SPAK-u ka thirrur ndonjë emër? Vetëm një për 60 metra katrorë. Pse nis nga kjo? Sa herë që SPAK-u të veprojë do të them bravo prapë.?-tha Rama.

Më tej, ai u ndal sërish te rasti i ish-kreut të KED, Ardian Dvorani, ndërsa theksoi se ?Po të shikoni atë rast do të habiteni.

Unë kam folur pasi ka folur Drejtësia. Çështja është pushuar e pastaj kam folur unë.

Nuk ju bën çudi ju që një gjykatës i shpallur kampion i antikorrupsionit nga Sekretari i Shtetit dhe që sot jeton ende në apartamentin e kohës së apartamenteve të shpërndara nga komiteti ekzekutiv të merret me një shpejtësi të rrufeshme, të futet në hetim dhe të lajmërohet KLGJ-ja se ky person është në hetim dhe të pengohet promovimi i tij dhe ndërkohë ende nuk kemi asnjë informacion dhe ndoshta as hetim për gjithë këta ujqërit.?

Ndërsa duke u ndalur te rasti i Bojken Lakos, i cili u prangos për dy dritare, Rama tha se ?Nëse do të kishte ardhur puna në Shqipëri që Bojken Lako me dy dritaret e tij duhej dënuar siç u dënua, atëherë do të thoshim këtu u bë Zvicra. Edhe në Zvicër të dënojnë për një dritare e një arkë me peshk. Por ama peshkaqenët me fytyrë njeriu nuk bëjnë hajgare.

Unë them të hetohen të gjithë?.

Më tej, ai u ndal edhe tek akuzat për ndërhyrje në drejtësi, ndërsa tentoi të vetërehabilitohet.

?Unë jam shumë dakord me të, thjesht adresa është gabim. Nuk po them se drejtësia po gabon se po vjen nga ana ime. Nuk jam dakord që drejtësia të jetë e anshme. Jam shumë dakord me të, nuk jam dakord me ndërhyrjen me presionin.?-tha Rama./CNA.al