web counter
LEXO PA REKLAMA!

SHKARKO APP

App Store
Google Play

E fundit!

x

Mbledhjet e Alibeajt pa kuorum/ Xhaferraj: Numrat nuk kanë rëndësi, drafti është hartuar qartë

10 Maj 2022, 18:18, Politikë CNA

Enkelejd Alibeaj para pak ditësh ka nxjerrë një draft për zgjedhjen e presidentit, ndërsa në mbledhjet që ai ka zhvilluar është braktisur nga deputetët, duke mos plotësuar as kuorumin për të marrë vendime.

Por për deputetin Ferdinand Xhaferraj, numrat nuk kanë rëndësi. Në një intervistë për emisionin “Debat” në A2CNN, ai tha se drafti është hartuar në mënyrë të qartë, ndërsa fton deputetët që e kundërshtojnë për të bërë ndryshimet e nevojshme.

?Unë do të thosha që janë disa deputetë që nuk morën pjesë në mbledhje dhe një pjesë e deputetëve është rreshtuar në krah të Foltores. Mbledhjet janë zhvilluar me 20-21 deputetë dhe Foltorja ka bërë mbledhje edhe me 17 deputetë, kështu që me këtë konceptim unë nuk e shikoj të rëndësishme se sa deputetë u mblodhën. PD-ja mblidhet për zhvillimet e saj të brendshme dhe që mbas 25 prillit u kuptua që do të ishin problematika të tilla.

Ajo që u diskutua kishte të bënte me shqetësimin kryesor në rolin që duhet të ketë opozita në këtë proces. Ishte një draft i propozuar. Nëse drafti lexohet nga fillimi në fund është draft propozim që mund të ndryshohet, por unë nuk shoh diçka që mund të kundërshtohet. Tani ka një draft për presidentin, ndonëse disa thonë që është tradhti. Nëse mendojnë kështu, të vijnë të diskutojmë dhe ta ndryshojmë?, tha ai./CNA.al





Lajmet e fundit nga