Denoncon Braçe/ Një kompani sigurimesh pastron para, politikanët i puthin dorën pronarit me "Ferrari"

10 Maj 2022, 12:41, Politikë CNA

Deputeti i Partisë Socialiste, Erion Braçe, ka bërë një denoncim të fortë në Komisionin e Ekonomisë.

Braçe denoncoi një kompani sigurimesh për pastrim masiv parash, ndërsa deklaroi se pronari i kësaj kompanie vjen vërdallë në Tiranë me një mjet të llojit ?Ferrari?.

Ish-zv.kryeministri tha se ?Ferrari? është i deklaruar si shpenzim i subjektit. Gjithashtu ai bëri të ditur se kjo kompani bën edhe bamirësi dhe ka blerë edhe një bankë.

Sipas tij, të gjithë politikanët e qeveritarët i puthin dorën, pasi kanë nevojë për bamirësinë e të gjitha gjërat që i ofron.

?Më bëri përshtypje që në secilin prej treguesve që folët, dhe që janë pozitivë, gjithmonë i referoheni dhe thoni kemi nën hetim njërën, me përjashtim të njërës. Njëra nuk është e vogël, është bërë aq e madhe sa që merr kurajon dhe prek aktivet e kompanisë së saj për të blerë prona të patundshme. Dhe detyroheni ju pastaj të merrni vendimet respektive për ta detyruar të kthejë paratë. E kuptoni çfarë kurajo kanë marrë kompanitë e sigurimeve? Të kapërcejnë ligjin, të ulin aktivet madje, të kapërcejnë dhe atë 20% që kemi vendosur me ligj, dhe të blejnë banka. Është kështu apo jo?

Në një vendim tuajin e lexova, në një dopjo vendim e lexova, dhe unë shpresoj shumë që të ketë paguar gjobën që i keni vendosur. Ka përmirësim shumë të ndjeshëm, pasi bleu prona, thuhet në vendimin tuaj këtu. Po kërkoj që autoriteti të jetë një barrierë e pakapërcyeshme, kërkoj që pavarësisht impaktit që kanë apo ç?i vete në mendje apo bamirësive që bën se bën dhe bamirësi, bën edhe bamirësi. Pavarësisht Ferrarit që vjen vërdallë në Tiranë si shpenzim i njohur brenda kompanisë. Eh, këtë po kërkoj, politikanë e qeveritarë se të gjithë i puthin dorën, se të gjithë kanë nevojë për bamirësinë e të gjitha me radhë. Për fat të keq, këtë e kam thënë edhe në vitin 2018?, tha Braçe./ CNA.al