Sulmet ndaj SPAK-ut/ Artan Hoxha zbulon qëllimin e Ramës

9 Maj 2022, 20:05, Politikë CNA

Gazetari Artan Hoxha i cilëson si propagandë deklaratat e kryeministrit Edi Rama kundër SPAK-ut.

Hoxha tha në emisionin ?Log? me Endri Xhafon se Rama po godet SPAK-un për të spostuar vëmendjen, pasi pretendon se kreu i qeverisë s?mund të justifikohet më me ?përgjegjësi personale?.

?Reagimi i kryeministrit tërhoqi vëmendje. Unë besoj se është lëvizje taktike për spostim vëmendje. Nga ana tjetër në gjithë këtë histori mesa duket ato sondazhet e brendshme, po i duket sikur veprimet që ka bërë SPAK i ka minuar pritshmëritë e publikut. Me dy ish ministra në burg, me ish deputetët në qeli sigurisht që ka ardhur momenti që nuk mund të justifikohet më me ?përgjegjësi personale?. S?mundet të na tregojë më se nuk dinte gjë. Pse ti vete dhe zgjedh pikërisht këta?

Rama deri tani i ka dhënë vetes atributin sikur ai ishte babai i Reformës në Drejtësi, ai luftoi me korrupsionin. Nuk llogariti që do merrte edhe mandatin e tretë. Tani s?ke as kujt t?i qahesh?, u shpreh ai.

Gazetari theksoi se Rama përmendi Ardian Dvoranin si shembull, pasi ish-kreu i KED është mbështetur nga ambasada e SHBA-së.

?Ai gjeti një çështje ku është i përfshirë presidenti, gjeti Dvoranin që e mbështeti ambasada. Simboli që zgjodhi është një personazh që ka mbështetjen e babait? Ajo që ndodhi para një jave me prokuroren e Tiranës ne pamë bashkë, presidentin, kryeministrin, kryetarin e opozitës, median që të ishin bashkë në mbrojtje të prokurores. Pavarësisht çfarë deshën vendimi erdhi për shkak të ndërhyrjes së ambasadës amerikane.

Pse e bën Rama këtë dhe kërkon balancim? Është në pushtet për një kohë të gjatë. Kushtet e flagrancës të cënojnë ty. Opinioni publik sigurisht që kërkon hetim edhe për të mëparshmit?, theksoi Hoxha./ CNA.al