Spiropali “i hakërrehet” Berishës/ "Korrupsioni yt ulëret, SPAK-u bën sikur nuk dëgjon"

9 Maj 2022, 18:58, Politikë CNA

Pas akuzave të ngritura nga ish-kryeministri Sali Berisha për qeverinë, ka ardhur një replikë e fortë nga Partia Socialiste, e përfaqësuar nga ministrja e Shtetit për Marrëdhëniet me Parlamentin, Elisa Spiropali.

Nga foltorja e Parlamentit, Spiropali tha se korrupsioni i Berishës po ulëret nga Gërdeci te Kompleksi Partizani i dhëndrit të tij.

Ministrja deklaroi se SPAK-u duhet ta kishte nxjerrë ish-kryeministrin para drejtësisë, ndërsa e cilësoi këtë të fundit si rivalin më të mirë të mundshëm të Edi Ramës.

?Përderisa SPAK të sheh jo vetëm gjallë por edhe me armën ngrehur, korrupsioni yt ulëret nga Gërdeci tek Kompleksi Partizani i dhëndrit. Ti bën mirë që e luan rolin e viktimës përderisa sa SPAK nuk i dëgjon ulërimat e të vjedhurve dhe të vrarëve prej teje. Pa folur për ata që u vranë poshtë dritares, janar për janar ulërima nuk mbërrika në dyert e SPAK. Është kjo shumicë që e ka mbështetur këtë reformë në drejtësi edhe atëherë kur ju dilni me molotov sepse reforma në drejtësi kërkonte vota në Kuvend.

SPAK ti e quan skap përderisa nuk të ka kapur dhe ku ti duhet të jesh në të vetmen karrige ku duhet të japësh llogari. Ti thua se Rama po i bën presion SPAK sepse ka frikë se ty. Po ku ka rivalë më të mirë se ty. Edi Rama nuk mund të gjente dot sot një rival më të damkosur se ty. Po të ishte për Ramën dhe PS kandidatura jote është më e mirë se asgjëja dhe të dalësh këtu deh të kundërmosh siç ketë bërë gjithë këto vite pa asnjë etikë.

Por ne jemi ndryshe dhe duam t?ja heqim këtë erë politikës shqiptarë. Të rinjtë duna të çlirohen nga ky mashtrim, e shohim politikën vetëm si një armë për të linçuar kundërshtarin. Më erdhi keq kur dëgjova një deputete të opozitës së re që foli me të njëjtë gjuhë. Përdori vdekjen si mjet për të fituar pikë politike. Drejtësia le të na thotë A është ky ai plaku qelibar që hiqet apo është ai që na thonë Shtetet e Bashkuara. Le të na ndriçojë drejtësia , për këtë kemi nevojë. Kemi nevojë për drejtësi?, nënvizoi Spiropali./ CNA.al