LEXO PA REKLAMA!

SHKARKO APP

Ligji për investimet strategjike, rrëzohet kërkesa e PD-së/ Reagon Bardhi

11 Maj 2022, 12:53, Politikë CNA

Gazment Bardhi ka reaguar pasi kërkesa e PD-së për ngritjen e Komisionit të posaçëm për verifikimin e procedurave për investimet strategjike është rrëzuar.

Përmes një postimi në Twitter, Bardhi shkruan se Rama po pranon defacto se pasurinë publike e ka kthyer në plaçkë për miqtë dhe familjarët e tij.

Sipas Bardhit përpjekjet për t?i fshehur publikut aferat korruptive do të dështojnë.

Ai bën me dije se nesër PD-ja do të depozitojë kërkesën për ngritjen e një komisioni hetimor për këtë çështje, për t?i hequr Ramës çdo mundësi që mund të bllokojë transparencën.

?Edi Rama rrëzoi sot kërkesën e PD-së për komision të posaçëm për verifikimin e procedurave për investimet strategjike, duke pranuar defacto se pasurinë publike e ka kthyer në plaçkë për miqtë dhe familjarët e tij.

Përpjekja për t?i fshehur publikut aferat korruptive me ligjin e investimeve strategjike, ku ndër përfituesit është edhe familja e ministres Olta Xhaçka, do të dështojnë.

Shqiptarët do të shohin sesi pronat publike po ndahen tek familjarët e ministrave, tek miqtë e Edi Ramës dhe tek një grusht oligarkësh pranë tij.

Nesër PD do të depozitojë kërkesë për ngritjen e një komisioni hetimor për këtë çështje, duke i hequr çdo mundësi Edi Ramës për të bllokuar transparencën dhe llogaridhënien me votat e nongratave të tij në Kuvend?, shkruan Bardhi./ CNA.al

Lajmet e fundit nga