E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Zgjedhjet për kreun e PD-së/ "Rithemelimi" mesazh kandidatëve, përgjigjja për Elezin

11 Maj 2022, 12:34, Politikë CNA

Komisioni i Organizimit dhe Kontrollit të Operacioneve Elektorale njofton se mbledhjet e Komisionit të Organizimit dhe Kontrollit të Operacioneve Elektorale, të datës 10 dhe datës 11 maj, janë zhvilluar në prezencë të përfaqësuesve të dy kandidatëve.

Gjatë mbledhjes kandidatët janë njohur me rregulloren e Brendshme mbi Modalitetet e Procesit Zgjedhor për Kryetar të Partisë Demokratike të miratuar, që do të përbëjë dhe dokumentin bazë të Komisionit të Organizimit dhe Kontrollit të Operacioneve Elektorale, degëve të Partisë Demokratike, si dhe kandidatëve për Kryetar të PD-së.

Ndërsa nuk ka munguar as përgjigjja për kërkesën e kandidatit për kreun e PD-së, Ibsen Elezi, ku thuhet se data për zgjedhjet është vendosur në Kuvendin Kombëtar të 30 prillit.

Komisioni i Organizimit dhe Kontrollit të Operacioneve Elektorale

Partia Demokratike

Mbledhjet e Komisionit të Organizimit dhe Kontrollit të Operacioneve Elektorale, të datës 10 dhe datës 11 maj, janë zhvilluar në prezencë të përfaqësuesve të dy kandidatëve.

Në mbledhje, përfaqësuesit e kandidatëve u njohën me Rregulloren e Brendshme mbi Modalitetet e Procesit Zgjedhor për Kryetar të Partisë Demokratike të miratuar, që do të përbëjë dhe dokumentin bazë të Komisionit të Organizimit dhe Kontrollit të Operacioneve Elektorale, degëve të Partisë Demokratike si dhe kandidatëve për Kryetar të PD-së.

Për herë të parë janë akomoduar të gjitha kërkesat e ardhura në Komision nga Kandidatët të cilëve u është siguruar:

– ambient pune brenda selisë së Partisë Demokratike, si dhe në selitë e degëve nëse do ta kenë të nevojshme;

– infrastruktura e nevojshme zgjedhore;

– akses në listën dixhitale të databazës së anëtarësisë së Partisë Demokratike, (pasi të dy kandidatët kanë firmosur deklaratën që zotohen për mbrojtjen e të dhënave personale të anëtarësisë);

– akses në listën e kontakteve të kryetarëve të të gjitha degëve të Partisë Demorkatike.

Meqenëse deri më sot, vetëm z. Berisha ka paraqitur pranë Komisionit një kalendar takimesh në ditët në vijim; Komisioni kërkoi edhe një herë nga të dy përfaqësuesit e kandidatëve të paraqesin sa më parë një kalendar të plotë takimesh në mënyrë që të bëhen rakordimet dhe njoftimet e duhura në degët përkatëse.

Në lidhje me kërkesën e paraqitur edhe mediatikisht nga ana e z. Ibsen Elezi, bëjmë me dije që:

Data e zgjedhjeve për Kryetar të PD-së është miratuar me Vendim Nr. 2 të Kuvendit Kombëtar të PD-së datë 30 prill 2022. Kuvendi Kombëtar është organi më i lartë vendimmarrës në PD.

Komisioni i Organizimit dhe Kontrollit të Operacioneve Elektorale do të vijojë punën e tij me përkushtim për të garantuar për secilin kandidat konkurrim të lirë, garë të hapur e shance të barabarta.

Komisioni fton të gjithë anëtarët e Partisë Demokratike të bëhen pjesë e fushatës për zgjedhjen e Kryetarit të PD-së që do të finalizohet në votimin më datë 22 maj 2022.