web counter
LEXO PA REKLAMA!

SHKARKO APP

App Store
Google Play

Spiropali flet me gjuhën e Ramës/ “SPAK-u të shkëputet nga frikërat e vjetra, të nisë hetimet”

11 Maj 2022, 19:18, Politikë CNA

Ministrja e Shtetit për Marrëdhënien me Parlamentin, Elisa Spiropali, ka folur me gjuhën e kryeministrit Edi Rama, sa u takon hetimeve nga ana e SPAK-ut.

Në një intervistë për emisionin “Now” me Erla Mëhillin në Euronews, ajo tha se reforma në drejtësi është një sukses i PS-së, ndërsa shton se SPAK-u duhet të nis menjëherë hetimet ndaj gjyqtarëve dhe prokurorëve të shkakruar nga vettingu si dhe zyrtarëve të lartë.

Ajo tha se SPAK-u duhet të shkëputet nga frikërat e vjetra.

?Ne e konsiderojmë reformën në drejtësi si një investim të madh dhe historik të PS ku kemi investuar profesionalisht, moralisht, politikisht, financiarisht nëse doni, si qeveri dhe si shumicë në Kuvend. Për të mos shkuar pak më herët në histori, duhet thënë që ishte në programin e PS reforma në drejtësi. Ne ia hoqëm nga duart drejtësinë politikës.

Në fillim fare këtu nuk ka asnjë formë presioni veçse një përgjegjësi të kryeministrit edhe të ministrit të Drejtësisë për të parë reformën në drejtësi se deri ku është që të ketë sukses. Që besimi i drejtësisë të mos bjerë, është në detyrën tonë që SPAK të shkëputet nga disa frikëra dhe të bëjnë punën e tyre në raport me prokurorë, gjykatës apo zyrtarë të lartë që kanë shpërdoruar detyrën, kanë kryer krime?, tha ajo./CNA.al





Lajmet e fundit nga