“Erdhe si cjapi te kasapi”/ Balla i përgjigjet Berishës: Nuk pranojmë firma nga bota e përtejme

12 Maj 2022, 08:32, Politikë CNA

Kryetari i grupit parlamentar të PS-së, Taulant Balla, ka reaguar pas fjalës së ish-kryeministrit Sali Berisha, i cili bëri thirrje të votohet rezoluta për njohjen e Gjenocidit në Srebrenicë.

Balla hodhi akuza të forta ndaj Berishës, duke thënë se ka thyer embargon e SHBA-së, duke furnizuar me naftë kontrabandë serbët, në Bosnje.

Po ashtu ai vijoi të deklarojë se PS-ja nuk pranon asnjë firmë nga një njeri ?që vjen nga bota e përtejme?.

?Kuvendi i Shqipërisë e ka dënuar e dënon dhe do ta dënojë përjetësisht gjenocidin e Srebrenicës. Ka mbështetur dhe përshëndetur të gjitha dënimet shembullore të Hagës, kundrejt kësaj tragjedie.

Tetë mijë boshnjakë kanë humbur jetën. Unë kam pasur mundësinë të shkoj të vizitoj memorialin dhe me 11 korrik biem të gjithë dakord të kemi një seancë të Kuvendit të Shqipërisë për të kujtuar këtë masakër dhe të mbajmë një minutë heshtje.

Kjo ka ndodhur në 11 korrik 1995 dhe ia kam thënë dje zotit Shehu se me këtë përfaqësuesin e botës së përtejme që sapo foli këtu, kjo që sapo dëgjuat dhe shumë fjalime të tjera duken si turpërime dhe në fakt është e pakuptueshme që një njeri që është i vetmi në këtë sallë, ndoshta edhe pak me Tritan Shehun që kanë përgjegjësi direkte të turpit që ka marrë Shqipëria aso kohe.

Erdhe si cjapi te kasapi o Sali sot. Kemi bërë gabim që si kemi hapur më parë këto peta byreku. Gjenocidi serb është ushqyer me naftën prej teje Sali. Në 25 prill 1995, pra rreth tre muaj nga dita e ndodhjes së kësaj tragjedie, gazeta ‘New York Times’ publikon një raport ku thuhet se Shqipëria po furnizon me naftë kontrabandë ushtrinë serbe në Bosnje. Thuhej në raportin e zv.presidentit Algor.

SHBA-ja arrin përfundimin se Shqipëria po thyen embargon. Ne mund të biem dakord të bëjmë një rezolutë për gjithë këtë çështje, por jo me firmën tënde që vjen nga bota e përtejme.

Për sa u përket marrëveshjeve të tua për të furnizuar makinerinë e luftës. Merrni e lexoni raportin e ish-presidentit të Malit të Zi, i cili nuk ka hezituar e i ka shkruar në librin ?Rregullat e Heshtjes?, i cili pranon marrëveshjen me Sali Berishën për të shtrirë tubat në liqenin e Shkodrës, për të vënë tubat në Bunë, për të çuar naftën në Malin e Zi.

Ndien përgjegjësi që ke thyer embargon e SHBA-së??-tha Balla./CNA.al

Genocidi serb në Bosnje/ Berisha: Të votojmë rezolutën