LEXO PA REKLAMA!

SHKARKO APP

Presidenti/ Sot, negociata "kokë më kokë" për kandidatët

13 Maj 2022, 06:51, Politikë CNA
Presidenti/ Sot, negociata "kokë më kokë" për

Procedurat për zgjedhjen e  Presidentit do të vijojnë sot me negociatat mazhorancë-opozitë.

Ashtu siç është paralajmëruar, kreu i grupit parlamentar të PS-së, Taulant Balla, do të zhvillojë një takim me krerët e grupeve parlamentare të tjera.

Në kryesinë e Kuvendit negociatat do të nisin që nga ora 9 deri në orën 11, pasi takimet do të zhvillohen ?kokë më kokë?.

Në orën 09:00 pritet që të diskutohet mes kreut të grupit parlamentar socialist Taulant Balla dhe Mesila Dodës.

Më pas, në orën 10 do të zhvillohet takimi me Fatmir Mediun, i cili përfaqëson Aleancën për Ndryshim.

Në orën 11 do të zhvillohet takimi me Enkelejd Alibeajn, të cilin mazhoranca e njeh si kreun e grupit parlamentar të PD-së.

Pas debateve në konferencën e kryetarëve, Alibeaj ende nuk ka konfirmuar pjesëmarrjen në takimin me Ballën.

Më 15 maj, në orën 16:00 është afati i fundit për të dorëzuar propozimet zyrtare të deputetëve, ndërsa më datën 16 maj në orën 10:00, mblidhet Komisioni i Ligjeve për vlerësimin e kandidaturave.

Dhe po me 16 maj, në orën 17:00 do të zhvillohet raundi i parë i votimit për zgjedhjen e Presidentit të Republikës./CNA.al

Lajmet e fundit nga