web counter
LEXO PA REKLAMA!

SHKARKO APP

App Store
Google Play

E fundit!

x

Kuvendi “rrëzoi” rezolutën e Srebrenicës/ Shehu: Rama nuk do që të mërzitet Aleksandër Vuçiç

12 Maj 2022, 17:44, Politikë CNA

Kuvendi rrëzoi sot propozimin e ish-kryeministrit Sali Berisha për rezolutën e Srebrenicës.

Socialistët dhe kryeministri Edi Rama në bllok kanë thënë se nuk do të pranonin asnjë propozim nga Sali Berisha.

Lidhur me këtë ka reaguar deputeti Tritan Shehu, i cili depozitoi në Kuvend edhe propozimin, e shikon diku tjetër shkakun.

Në një intervistë për media, Shehu tha se shkaku kryesor janë lidhjet me Serbinë dhe “Ballkani i Hapur”. Sipas tij, Rama nuk do që të mërzitet Aleksandër Vuçiç.

Deputeti demokrat theksoi gjithashtu se krimet e luftës nuk duhen harruar dhe se ky ishte qëllimi i rezolutës së propozuar prej tyre, por që nuk gjeti mbështetje.

?Mua më duket e këtu e kemi shprehur qartësisht. Pse e paraqitëm tani. Është një boshllëk që duhet mbushur. Krimet e luftës nuk duhen harruar. Në këtë moment ne jemi që Serbia s?ka kërkuar falje. Problemet kanë dalë të qarta në Evropë. Serbia nuk ka pranuar sanksione kundër Rusisë. Është edhe një obligim parlament shqiptar që të ketë një dokument të tillë. Nuk ka asgjë negative që nuk mund të mos pranohet. Duhet të kalonte.

Janë arsye kot. Po kështu rrëzuan edhe rezolutën tonë për të dënuar agresionin rus në Ukrainë. Shkaku është tjetër, lidhjet me Serbinë. Që të mos mërzitet Vuçiç. Shkak është ‘Ballkani i Hapur’. Këto janë deduksione politike, por bazuar mbi ngjarje?, u shpreh Shehu./CNA.al





Lajmet e fundit nga