web counter
LEXO PA REKLAMA!

SHKARKO APP

App Store
Google Play

E fundit!

x

Rama e hodhi në gjyq/ Ironizon Brisilda Shehaj: E falënderoj!

12 Maj 2022, 18:00, Politikë CNA

Ish-ministrja e Tatimeve, Brisilda Shehaj, është paditur nga kryeministri Edi Rama për një postim në Instagram, në të cilin ajo atakoi bordin e çmimeve.

Por Shehajn, padia e Ramës nuk e shqetëson aspak, teksa shton se e falënderon kryeministrin për këtë hap që mori për të treguar çdo dokument që disponon.

Shehaj tha se do të tregojë me fakte dhe shkresa zyrtare se deklarata e saj se në bordin e naftës, i cili cakton çmimet, ka përfaqësues që disa vite më parë janë kallëzuar në Prokurori nga Tatimet.

“Bëhet fjalë për ngritjen e bordit të çmimeve, ku marrin pjesë po kompanitë e naftës. Kryeministri nuk mund të ulej me ata njerëz për të cilët ka dijeni që janë paditur në Prokurori nga administrata tatimore. Dua ta falënderoj për disa herë Edi Ramën që më dha mundësi një herë e mirë për të gjitha gojët e liga se ç’kemi bërë në krye të detyrës, tani me shkresa zyrtare që do të vijnë nga prokuroritë, do të faktojnë ata sa kallëzime janë bërë për sektorin e naftës.

Në atë kohë u kallëzuan shumë nga këta të mëdhenjtë. Në atë kohë kishte dy padi penale për Rezart Taçin të cilat u mbyllën më pas nga gjykatat, kishte padi për të gjitha kompanitë, kishte padi edhe për pastrim parash. Paditë janë mbyllur se unë u largova në 2016 dhe di çfarë kam dërguar, se kompanitë vazhdojnë të operojnë.

Nuk kam asnjë nga akt nga gjykata. Kam marrë vesh që është bërë një padi në datën 30 mars, është hedhur shorti dhe është përcaktuar një zonjë gjyqtare, e mora vesh nga mediat. Jam kurioze të shoh se për çfarë paskam shpifur unë për Edi Ramën. Unë nuk flas kurrë për diçka që nuk mund ta kuptoj“, tha ajo./CNA.al





Lajmet e fundit nga