E fundit!

18:57 Opinione Luan Rama

I PËGËRI I MBETUR GJALLË NGA NJË KOHË E VDEKUR

Në këto ditë të zhegëta vere, bashkë me rrjedhën kutërbues...

Marrëveshja e fshehtë Rama-Basha/ Si u “varros” Komisioni Hetimor për patronazhistët

12 Maj 2022, 15:55, Politikë CNA

Deputeti i PD-së, Flamur Noka, duke folur në sallën e parlamentit, ka hedhur akuza ndaj Lulzim Bashës, se ka bërë marrëveshje të fshehtë me Edi Ramën, për të “varrosur” Komisionin Hetimor për patronazhistët.

Sipas Nokës, me këtë marrëveshje u varros edhe çështja e patronazhistëve, ndërsa i cilëson si një akt hipokrizie.

?Ky akt është një hipokrizi e rëndë me të cilin qeveria e Ramës, tallet me shqiptarët.

Rama dhe ata që e ndjekin, duhet të ndajnë, a janë pro kësaj rezolute, apo kundër.

Sot është koha të kujtojmë mburrjen që Rama, bënte para shqiptarëve për sistemin e patronazhistëve.

Shqiptarët kanë parë me sytë e tyre, se si Edi Rama krijoi dosje për 1 milion shqiptarë, me llogari bankare, adresa, targa. Këto janë vetëm për të shantazhuar votuesin, për të blerë votën. Kjo qeveri e përdor këto dosje për të kërcënuar shqiptarët.

Por në këtë tallje, Rama nuk është i vetëm, sepse vetë nuk mund të varroste masakrën e 25 prillit. Rama për të zhvilluar këtë masakër pati edhe aleatë.

Ky megaskandal nuk u denoncua asnjëherë nga opozita, thjeshtë ishte një portal ‘Lapsi’, që e denoncoi dhe ngriti alarmin për këtë megaskandal. SPAK-u në vend që të hetonte të dhënat, ju turr zyrave të medias, a thua se aty kishte ndodhur një krim i madh.

Opozita heshti dhe ky krim nuk u hetua asnjëherë. U bë presion nga disa deputetë të PD-së, për të ngritur një komision hetimor, për këtë masakër zgjedhore. Për patronazhistët.

U ngrit, por ky komision u asgjësua, asnjë raport, asgjë. Toni Gogu po të ishte këtu do të na bënte një sqarim, se pse u mbyll ky komision.

Çfarë pyetjesh përvëluese bëri ai, çfarë plagësh hapi. Pastaj u bë një marrëveshje shumë e fshehtë, Rama-Basha, Enkelejdi dhe Gazi dhe e ‘varrosën’ komisionin hetimor të zgjedhjeve dhe së bashku me të u ‘varros’ masakra elektorale e 25 prillit. U varros çështja e patronazhistëve. U tret si kripa në ujë, komisioni që do të nxirrte masakrën para ligjit.

Edhe SPAK-u nuk lëvizi, pasi kishte një dakordësim që kjo çështje të varrosej?, tha Noka./CNA.al