web counter
LEXO PA REKLAMA!

SHKARKO APP

App Store
Google Play

E fundit!

x

Rezoluta për gjenocidin serb/ Rama: Lojë e ulët e Berishës

12 Maj 2022, 16:43, Politikë CNA

Kuvendi rrëzoi rezolutën e opozitës dhe ish-kryeministrit Sali Berisha, që dënon gjenocidin serb në Srebrenicë, në Bosnjë-Hercegovinë.

Duke marrë shkas nga kritikat pas rrëzimit të kësaj rezolute, ka reaguar pak minuta më parë kryeministri Edi Rama.

Në një status në rrjetet sociale, kreu i qeverisë e cilëson këtë rezolutë si një lojë të ulët të Berishës.

?Ata që hidhen përpjetë për gjoja dështimin e një rezolute mbi Srebrenicën në Parlamentin shqiptar, si fillim duhet të pyesin po ç’ne kjo rezolutë sot, pse, me ç’rast? Pastaj duhet të informohen mbi tekstin në fjalë dhe në fund duhet ta mësojnë se ajo s’ishte rezolutë po lojë e ulët!

Lojë e ulët e një të shpalluri nga SHBA si i korruptuar dhe minues i demokracisë, që njihet botërisht edhe si thyerësi i embargos ndaj Sllobodan Millosheviçit dhe që kapet deri edhe pas kockave të viktimave të kasapit të Beogradit, për t’u ringjallur nga varri i tij politik!

Keqardhje për ata që pa e pasur idenë fare të kësaj loje të ulët, ndjehet gabimisht të lënduar dhe neveri për ata që i shkojnë pas avazit të një të damkosuri si katran me bojë, po Srebrenica nuk mund të jetë letër për bojën e katranit të Shqipërisë!?, shkruan Rama./ CNA.al





Lajmet e fundit nga