web counter
LEXO PA REKLAMA!

SHKARKO APP

App Store
Google Play

E fundit!

x

Boçi zbulon skenarin e Ramës/ Si i shmanget përgjegjësisë kur ka probleme

12 Maj 2022, 15:51, Politikë CNA

Anëtari i Komisionit të Rithemelimit, Luçiano Boçi, ka zbuluar skenarin e kryeministrit Edi Rama, teksa ka komentuar kritikat e këtij të fundit ndaj SPAK-ut.

Nga foltorja e Parlamentit, Boçi deklaroi se sa herë Rama është në pozitë të vështirë, përdor ngjarjen e 21 janarit dhe atë të Gërdecit për të ngacmuar emocionet e familjarëve.

Sipas tij, kreu i qeverisë i referohet së shkuarës kur ka probleme me të tashmen dhe të ardhmen.

?Nuk jam habitur nga skenat e ofruara këto ditë, kur Rama shigjeton institucionet e drejtësisë dhe nuk habitem se Rama sa herë është në pozitë të vështirë nxjerr nga sirtari 21 janarin dhe Gërdecin. Sa herë do të qeshet e të tallet me institucionet e shqiptarëve, provokon lotët e familjarëve të këtyre familjeve, sa herë ka probleme me të sotmen dhe të ardhmen i referohet së shkuarës, Rama nuk zbuloi asgjë tjetër veçse projektit për të ndërtuar një drejtësi të kapur nën komandën e tij si qen lufte.

Le të shkojë të paraqitet në SPAK është i kallëzuar nga PD-ja për aferën e inceneratorëve. Sot në qeli janë anëtarët e komisionit të koncesionit të inceneratorit të Elbasanit se miratuan një procedurë joligjore, Firma e fundit që i vë vulën kësaj procedure është Kryeministri, ky pse është jashtë, pse lë këto dytësorët. Le të shkojë vetë dhe të përgjigjet vetë?, theksoi deputeti i PD-së./ CNA.al





Lajmet e fundit nga