E fundit!

09:21 Kronika

Vrasja e policit në Maliq/ Policia: I kërkuari fshihej në stan, hapi zjarr ndaj efektivëve

Policia e Korçës ka ndarë një informacion të detajuar lidh...

“Rama kërcënoi SPAK-un”/ Alibeaj i “kërkon llogari” Manjës

13 Maj 2022, 09:31, Politikë CNA

Deputeti i Partisë Demokratike, Enkelejd Alibeaj, gjatë fjalës së tij në Komisionin e Ligjeve, ku po raporton ministri Ulsi Manja, është ndalur te deklaratat e kryeministrit Edi Rama, në drejtim të SPAK-ut.

Alibeaj akuzoi kryeministrin Edi Rama si ?dhunuesin? kryesor të drejtësisë, pasi sipas tij ka folur me tone kërcënuese ndaj SPAK-ut, duke e ?detyruar? të hetojnë kundërshtarët e tij politik.

Po ashtu ai ka deklaruar se rekomandimet e bëra nuk janë plotësuar me përpikmëri nga prokuroritë, ndërsa shtoi se Manja nuk e ka monitoruar punën siç duhet.

?Një koment, ajo që ministri bëri nuk ishte një analizë për përmbushjen e rekomandimeve, por e paraqiti veten si prokuror, duke dhënë statistika dhe duke mbajtur mendim kritik. Një përfaqësues politik, duhet ta frenonte veten dhe të ruante pozicionin e tij politik. Ai duhet të përcjellë se cilat janë fenomenet kriminale që duhen luftuar dhe kur vjen pas 1 viti duket të shohë nëse ato janë ?goditur?. Sipas jush sa prej rekomandimeve vjet janë realizuar, sa prej tyre nuk janë realizuar dhe nëse ju rezultojnë disa që nuk janë realizuar cila është arsyeja? E dini pse prokuroritë nuk i kanë realizuar këto rekomandime?

Në faqen 2 të raportit thuhet se ?reforma që qeveria ka marrë, ka objektiv final krijimin e një drejtësie të aftë për të garantuar barazinë, garancinë, duke mbrojtur të drejtat e njeriut. Rekomandimet kanë qenë në këtë drejtim. Marrjen e masave për garantimin e paanshmërisë dhe shmangies së çdo lloj influence, gjatë kryerjes së hetimit? Fjalë hyjnore, por sa të sinqerta mund të duken këto, në një kohë kur Rama në kongresin e PS-së , më 9 prill dhe asamblenë më 7 maj, me tone kërcënuese dhe urdhëruese, i kërkoi SPAK-ut të hetonte kundërshtarët e tij politikë. Bie ndesh me fjalët shumë të bukura që keni në raport.

Në faqen 6 të raportit thuhet se në 2021-shin këshilli i ministrave ka rekomanduar në pikën 6 ?ndjekin me përparësi që ndjekim zgjedhjet e lira, duke kryer hetime të shpejta me profesionalizëm, në bashkëpunim me SPAK-un.? Në faqen 11 thuhet se referuar të dhënave të prokurorisë evidentohet se janë bërë 47 presime penale që prekin zgjedhjet e lira.

Zgjedhjet e 25 prillit u karakterizuan nga shkeljet, e për këto shkelje PD ka depozituar 180 kallëzime penale prej të cilave 150 në prokurori dhe 50 në SPAK, puna e këtyre prokurorive ka qenë minimale në drejtim të hetimeve, nxjerrjes së autorëve para gjyqit. Vetëm 14.8% janë dërguar në gjyq.?-tha Alibeaj./CNA.al