web counter
LEXO PA REKLAMA!

SHKARKO APP

App Store
Google Play

E fundit!

x

Të hënën mbahet raundi i parë për zgjedhjen e presidentit/ Opozita ende pa asnjë kandidat

12 Maj 2022, 14:34, Politikë CNA

E hëna e 16 majit është përcaktuar si dita kur do të mbahet raundi i parë për zgjedhjen e presidentit të ri. Po ndonëse ditët kalojnë, deputetët e opozitës vijojnë të jenë të përçarë.

Në datën 16 maj me shumë gjasa nuk do të kemi një emër të vetëm nga ana e opozitës dhe këtë dyshim e ka hedhur deputeti i PD-së, Luçiano Boçi, i cili është zgjedhur edhe si negociator i ?Rithemelimit? me Enkelejd Alibeajn.

Në një reagim për media, Boçi tha se se synimi është që opozita të ketë vetëm një grup negociator.

?Kjo ideja e një grupi negociator me pjesën tjetër ende nuk është hedhur në tavolinë. Nëse shihet si mos zgjidhje e qëndrimeve tona të përbashkëta, është një çështje që do të shqyrtohet dhe ndoshta do të marrë edhe qëndrimin tonë. Nuk ka urgjencë që patjetër kandidaturat apo kandidatura e paraqitur nga opozita të jetë në datën 16 apo të jetë në datat e tjera, mund të jetë edhe në datën e fundit apo midis datave të tjeta. Ndaj nuk ka urgjencë. Në këtë urgjencë është arritja e konsensusit?, tha Boçi.

Raundi i parë mund të mos e ketë një emër të propozuar nga PD-ja.

Vështirësinë në negociata me dy grupet e PD-së e shprehu edhe kreu i republikanëve, Fatmir Mediu.

?Kam diskutuar me zotin Bylykbashi, zotin Boçi edhe me zotin Alibeaj apo me deputetë të tjerë dhe besoj që emrat si rezultati maksimal që do të ofrojë kjo marrëdhënie brenda deputetëve të opozitës për të dalë me një emër të përbashkët?, tha ai.

Presidentit Ilir Meta i përfundon mandati në datën 24 korrik. Sipas Kushtetutës procesi i zgjedhjes së Presidentit të Republikës në Kuvend nis jo më vonë se 60 ditë para mbarimit të mandatit të Presidentit aktual. Domethënë në rastin konkret maksimumi duhet të ishte data 24 maj./CNA.al





Lajmet e fundit nga