E fundit!

11:58 Aktualitet

ABI Bank ka refuzuar të paguajë gjobën 120 milionë për një portal gjobaxhi

ABI Bank ka refuzuar të paguajë gjobën 120 milionë për një...

“Marrëdhëniet me SHBA janë delikate”/ Mediu apel opozitës

13 Maj 2022, 17:46, Politikë CNA

Kreu i Partisë Republikane Fatmir Mediu ka komentuar krizën brenda PD.

Në një intervistë televizive, ai apeloi që opozita të ulet në tryezë mes vetes për të zgjidhur situatën ku ndodhet.

Sipas Mediut, se çdo lëvizje e njëanshme krijon vetëm konfuzion dhe nuk jep produktin opozitar që duhet të japë. Mediu shtoi se për momentin është shumë i rëndësishëm një rivitalizim i opozitës.

Sa i përket marrëdhënieve të opozitës me SHBA-të dhe shpalljes non-grata të Sali Berishës, kreu i PR deklaroi se ky është një raport delikat.

?Berisha është një eksponent që lidhet fort me njerëzit në bazë. Ai ka qenë nga ata që i ka njohur njerëzit dhe strukturat thuajse me emra. Për sa i përket raporteve me SHBA unë mendoj që është një raport shumë delikat. Ajo që unë mendoj është që opozita duhet të krijojë një partneritet të qenësishëm me SHBA-të. Nëse kjo do të thotë që lidershipi të jetë në një nivel tjetër me të rinj dhe të reja, pse jo. Nëse e shohim veten jo si përfitues politikë, por kontribues, mund të krijojmë një opozitë shumë efikase në raport me qyterarët shqiptarë?, tha Mediu.

I pyetur se si mund të arrihet një partneritet i ri mes opozitës dhe SHBA-ve me situatën ku ndodhet Partia Demokratike, ai tha është nevoja për një lidership të ri.

?Opozita duhet të gjejë mekanizmat e saj të veprimit pavarësisht situatës. Ne duhet te kthehemi në faktor stabiliteti. U përpoqëm ta bënim këtë në vitin 2005 duke sjellë një lidership të ri. Jo çdo gjë që është lidership duhet të jetë nesër në qeverisje. Qëllimi i parë i Berishës dhe kujtdo në opozitë është ndryshimi i qeverisjes në vend. Pastaj se kush do të jetë Kryeministri, Berisha e ka thënë se duhet të zgjidhet me votim etj etj. Duhet një moment reflektimi si nga Berisha dhe të gjithë se çfarë mund të sjellim të re në drejtim. Sot për sot në politikën shqiptare politikanët identifkohen si njerëz që kërkojnë vetëm për veten e tyre. Ne duhet të provojmë të kundërtën?, tha Mediu./CNA.al