E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Nga mediat te drejtësia/ Skema e Ramës, pse po sulmohet SPAK-u

15 Maj 2022, 08:13, Politikë CNA

Kryeministri Edi Rama në gati nëntë vite qeverisjeje, ajo çfarë ka bërë më mirë, është thjeshtë dhe vetëm propagandë.

Edi Rama përdor propagandën që t?u hedhë hi syve qytetarëve, që të mos shikohet keqqeverisja, korrupsioni, aferat, e të tjera si këto.

Që në fillim të qeverisjes së Edi Ramës, ka një detaj që bie në sy. Sulmi që ai bën ndaj medias.

Kryeministri iu drejtohet mediave si ?kazan?, i akuzon për shpifje, bën arrogantin me gazetarët, gjithnjë në tentativa për të ulur imazhin e medias dhe gazetarëve në sy të publikut. Dje kjo duket qartë me një qëllim, të ulet besueshmëria e mediave, në mënyrë që denoncimet për korrupsionin, bëmat dhe gjëmat e qeverisjes së tij, të jenë sa më pak të besueshme në opinionin publik.

Rama e ka sulmin ndaj medias strategji, pikërisht për të sfumuar denoncimet.

Tashmë Edi Rama nga mediat ka kaluar te drejtësia. Në një kohë që SPAK-u i është ?vërsulur? politikës, në dritë kanë dalë jo pak bëma dhe gjëma, dy ish-ministra dhe një deputet i Ramës janë në pranga, kryeministri ka filluar një sulm të paprecedentë kundër SPAK-ut.

Në fillim u duk sikur halli i tij ishte Ardian Dvorani, për të cilin ai thotë se është shpallur ?kampioni i antikorrupsionit?. Përtej faktit se sa e besueshme është kjo, duket qartë se halli i Ramës është diku tjetër.

Kryeministri po sulmon SPAK-un sepse po i burgosen një e nga një ministrat e tij dhe po e sulmon sepse pritet të ketë arrestime të tjera, të ish-ministrave të Edi Ramës. Janë thirrur në SPAK ditë pas dite ministra e zv.ministra që kanë mbajtur poste të rëndësishme.

Për inceneratorët, që sipas përllogaritjeve të ekspertëve do t’u kushtojnë taksapaguesve shqiptarë gati 600 milionë euro, është një ish-ministër dhe një ish-deputet në pranga. Kjo vetëm për dy inceneratorë, atë të Fierit dhe Elbasanit. Pa ardhur ende në Tiranë, ku zullumi duket se është shumë herë më i madh.

Nga ana tjetër, në SPAK është thirrur edhe Klodjan Rrapaj, për koncesionet e dhëna nga Ministria e Shëndetësisë, gjatë kohës që ka qenë zv.ministër.

Prandaj halli i Edi Ramës nuk është pse u hetua Ardian Dvorani apo pse nuk po hetohet Berisha. Halli i tij është se po zgjerohet rrethi i njerëzve tek inceneratorët, por hetimi i tyre rrëzoi shumë koka. Mund të shkojë më lart, deri në godinën e Kryeministrisë. Deri te zyrtarë të lartë të shtetit shqiptar.

Ajo që po ndodh është se SPAK-u ditë pas dite po hap dosjet e koncesioneve korruptive të Qeverisë së Edi Ramës, dhe kryeministri është ?tërbuar?. Kështu që ka filluar të njëjtën strategji, atë të sulmit.

Por, Rama duhet ta dijë se drejtësia mund të vonojë, por bëmat dhe gjëmat një ditë ndalin në dritë dhe gjithsecili duhet të përgjigjet për ato që ka bërë.

Edhe pse kryeministri pretendon se ?ia fusin për shalësh?, mund të ndodhë që dikush të flasë. E atëherë do të shikohet se sa ka ditur e nuk ka ditur kryeministri në lidhje me aferat e Qeverisë së tij./CNA.al

Pse është ?tërbuar? Edi Rama me SPAK-un?

Po Rama a ka turp?

Kryeministri ynë nuk di gjë

Saimiri kanabizimin, Lefteri inceneratorët, po Rama?