LEXO PA REKLAMA!

SHKARKO APP

"Bekuan kuptimin e ri të barrikadës"/ Rama "shigjeton" ndërkombëtarët për situatën në Kosovë

29 Dhjetor 2022, 17:52, Aktualitet CNA

"Bekuan kuptimin e ri të barrikadës"/ Rama

Kryeministri Edi Rama ka reaguar për situatën në veri të Kosovës, ku u tërhoqën barrikadat pas 20 ditësh.

Me anë të një statusi në rrjetet sociale, Rama thotë se kjo nuk është asgjë e re, veçse një shfaqje që zgjati më gjatë.

Kreu i qeverisë "shigjeton" ndërkombëtarët, teksa deklaron se e reja e vetme nga situata në Kosovë ishte kuptimi i ri i barrikadës që pas 434 vjetësh hyri në listën e mjeteve të protestës paqësore me bekimin e BE dhe të SHBA.

“Asgjë e re, shfaqja zgjati ca më shumë, tensioni u ngrit ca më lart, fjalët u këmbyen me ca më shumë zjarr, manovrat ushtarake patën ca më shumë hov, po fundi qe po i njëjti dhe të gjithë u kthyen në shtëpi, sekush me fitoren e vet me vete si gjithmonë!

Ah po, diçka e padëgjuar ndodhi! Doli kuptimi i ri i barrikadës, e cila pas 434 vjetësh hyri në listën e mjeteve të protestës paqësore me bekimin e BE dhe të SHBA! Shpresojmë në mirëkuptimin e aleatëve tanë strategjikë për të mos qenë dakord në këtë pikë. Po fare!

Pyetja mbeti po ajo që ishte përpara këtyre barrikadave paqësore e deklaratave armiqësore! Dhe deri kur përgjigjet e ndryshme të nisen po njësoj nga e shkuara, pyetja do të mbetet po aty edhe pas shfaqjes së rradhës, kur barrikadat të thyejnë paqësisht monotoninë e hiçzgjidhjes!”, shkruan Rama./ B.A. – CNA.al

Lajmet e fundit nga