LEXO PA REKLAMA!

SHKARKO APP

Shqiptarët, në mbështetje të Kosovës/ Protestë përpara ambasadës serbe

29 Dhjetor 2022, 13:41, Aktualitet CNA

Shqiptarët, në mbështetje të Kosovës/ Protestë

Një protestë qytetare është mbajtur mesditën e kësaj të enjteje përballë ambasadës serbe në Tiranë.

Qytetarët janë mbledhur për të kërkuar nga autoritetet e Beogradit që të mos ketë më provokime nga ana e tyre kundrejt Kosovës.

I pranishëm në protestë ishte dhe aktivisti i Vetëvendosjes, Elvis Hoxha, i cili tha se protesta mbahet për të dënuar qëllimet luftënxitëse të Serbisë në Kosovë.

“Kjo është një protestë qytetare, është kundër pozicioneve luftënxitëse të Serbisë dhe për t’i treguar që ka dhe qëndrim thjesht qytetar dhe jo vetëm politik. Nuk mund të pranohet kurrsesi ky qëndrim arkaik i Serbisë. Nuk mund të përdoren as barrikadat, as të pengohet lëvizja e lirë, as nuk mund të merret peng popullsia serbe e Kosovës për të realizuar qëllimet e Vuçiçit”, tha Hoxha./ CNA.al

 

Lajmet e fundit nga