web counter
LEXO PA REKLAMA!

SHKARKO APP

App Store
Google Play

E fundit!

x

Frida Krifca, përgjegjësja kryesore e katastrofës me gripin e shpendëve

21 Mars 2022, 16:16, Aktualitet CNA

Ministrja e Bujqësisë Frida Krifca, është përgjegjësja kryesore e katastrofës me gripin e shpendëve.

Prej disa ditësh në Shqipëri ka ?shpërthyer? gripi i shpendëve, ndonëse qeveria nuk e pranonte një gjë të tillë.

Jo vetëm në 48 orët e fundit, por prej disa javësh situata në vendin tonë ka qenë shumë alarmante.

Ministria e Bujqësisë ka qenë në dijeni se në Shqipëri ka pasur pula të infektuara. Gjithashtu ka qenë në dijeni edhe ministrja Frida Krifca, e cila është një nga shkaktaret kryesore të katastrofës që po ndodh me gripin e shpendëve në Shqipëri.  Kjo për shkak se ndërhyrja e ministrisë përgjegjëse, asaj të Bujqësisë ka qenë e munguar.

Ministria ka qenë në dijeni të të njëjtës situatë që po ndodhte në Greqi. Pra gripi i pulave ka ndodhur në Greqi  dhe sipas të dhënave zyrtare, qeveria nuk ka ndërhyrë, Ministria e Bujqësisë nuk ka reaguar dhe janë lejuar të hyjnë në Shqipëri pula të sëmura.

Pra, prej ditësh dhe javësh në Shqipëri kanë hyrë pula të sëmura. Ato kanë hyrë me kamiona dhe më pas shpërndahen me furgona nëpër fshatra apo pulari të vogla, duke shkaktuar një katastrofë për shpendët.

Ministrja, e cila ?këshillon? fermerët që të mbjellin grurë në mars, kur edhe pak kohë ata nisin korrjen e grurit, sot bën të habiturën dhe po akuzojnë kompanitë private.

Kompanitë private nga të dhënat zyrtare prej javësh e kanë njoftuar ministrinë për këtë situatë, gjithashtu kanë kërkuar zyrtarisht dhe jo zyrtarish që të bllokohet hyrja e shpendëve nga Greqia apo Maqedonia e Veriut dhe ministria nuk ka reaguar.

Sot që po ndodhin ngordhjet masive dhe po jepet alarmi ministria bën rolin e budallait dhe të të paditurit, ndërkohë që zyrtarish është njoftuar, e ka ditur situatën dhe nuk ka reaguar.

Megjithëse Ministria e Bujqësisë është në dijeni që cikli gripit të pulave ndodh shpesh në muajin mars dhe shtator dhe kryesisht edhe pse ka pasur denoncime dyshohet se shumë nga importet e pulave që janë bërë nga Greqia kanë të dhëna  false në dokument, ndërsa ministria ka bërë sehir.

Frida krihet, pulat ngordhin./E.K-CNA.al





Lajmet e fundit nga