web counter
LEXO PA REKLAMA!

SHKARKO APP

App Store
Google Play

E fundit!

x

“Paketa e krizës, diskriminuese”/ Këlliçi apel qeverisë

21 Mars 2022, 12:57, Aktualitet CNA

Në ditën botërore të Sindromës Down, deputeti Belind Këlliçi, përmes një statusi në rrjetet sociale, ka bërë thirrje që të ndalohet veçimi i nxënësve me sindromën Down në shkolla.

Këlliçi është shprehur se qeveria duhet të parashikojë mbështetje financiare për mësuesit ndihmës dhe trajnimin e tyre.

Ndër të tjera, Këlliçi thekson se arsimi gjithpërfshirës është detyrim kushtetues dhe se prindërit e tjerë nuk kanë të drejtë të kërkojnë klasa speciale për fëmijët me sindromën Down.

Deputeti thotë se fëmijët shqiptarë me sindromën Down janë përjashtuar nga paketa e krizës.

?Dita Botërore e Sindromës Down është caktuar në ditën e 21-të të muajit të tretë të vitit, si simbolikë e trefishimit (trizomisë) të kromozomit të 21-të, me të cilin lindin fëmijët me sindromën Doën.

Si fillim, etiketimi fyes “daun” ndaj tjetrit, cilido qoftë, duhet të zhduket nga gjuha e folur dhe e shkruar shqipe, dhe të penalizohet.

Të ndalohet menjëherë veçimi i nxënësve me sindromën Down në shkollat tona dhe ulja diskriminuese e tyre në bankat e fundit!

Qeveria të parashikojë mbështetje financiare për mësuesit ndihmës dhe trajnimin e tyre.

Arsimi gjithëpërfshirës është detyrim kushtetues. Prindërit e tjerë nuk kanë asnjë të drejtë të kërkojnë klasa speciale për nxënësit me sindromën Down!

Shkolla është e hapur për të gjithë!

Qeveria Rama nuk ka bërë një gramë punë në këtë drejtim. Fëmijët shqiptarë me sindromën Down u përjashtuan nga paketa e krizës.

Nuk pres të shoh ndjeshmëri emocionale nga kjo qeveri.

Së fundmi, dëshiroj të falenderoj publikisht Zj. Emanuela Zaimi, drejtuesen e organizatës ?Down Syndrome Albania?, për kontributin e saj të pashembullt në mbrojtjen e të drejtave të fëmijëve me sindromën Down!?, shkruan Këlliçi./CNA.al





Lajmet e fundit nga