web counter
LEXO PA REKLAMA!

SHKARKO APP

App Store
Google Play

E fundit!

x

Peleshi zbulon planet / Projektet që do të ‘kulmojnë’ 2023

30 Dhjetor 2022, 12:10, Aktualitet CNA
Peleshi zbulon planet / Projektet që do të ‘kulmojnë’
Ministri i Mbrojtjes, Niko Peleshi

Ministri i Mbrojtjes, Niko Peleshi, ka komentuar dhe analizuar punën e bërë përgjatë vitit 2022.

Peleshi është shprehur se gjatë këtij viti ndryshimet kanë qenë të dukshme, duke nisur me rritjen e pagave të efektivëve me 30 %, që nga ushtari bazë e deri te gradat më të larta.

 “Ky është viti kur ne bëmë një ndryshim sasior dhe cilësor në shpërblimin e FA. Kemi rritur 30% pagat për të gjithë efektivët, nga ushtari bazë dhe deri te gradat më të larta. Angazhimi dhe premtimi i Kryeministrit për të pasur një rritje të vazhdueshme dhe të përvitshme derisa të arrijmë nivelin më të lartë në rajon do të realizohet. Vitin që vjen do e rrisim edhe 7 % të tjera pagën mbi atë 30% që u rrit gjatë vitit 2022”, u shpreh ministri Peleshi.

Ndër të tjera përmendi edhe objektivat për vitin 2023. Peleshi tha se vitin e ardhshëm do të nisë puna për ndërtimin e korpusit të Akademisë së FA.

Gjithashtu deklaroi se flota e Forcës Ajrore do të shtohet edhe me helikopterë të tjerë “Black Hawk”, duke e çuar në 6 numrin e helikopterëve.

Ministri i Mbrojtjes u shpreh se është bërë mjaft progres në punën për ndërtimin e bazës së parë taktike ajrore të NATO-s në Kuçovë dhe pritet që për rreth një vit ajo të jetë gati. Një tjetër projekt i Ministrisë së Mbrojtjes për vitin që vjen është edhe ndërtimi i një porti të ri ushtarak në Porto Romano pranë portit komercial, i cili sipas ministrit Peleshi do t’i japë Shqipërisë një rëndësi të shtuar strategjike, pasi ky port do të jetë porta e hyrjes dhe e dislokimit të forcave aleate nga Ballkani Perëndimor drejt Lindjes.

Në përmbyllje të bisedës, ministri Peleshi tha se viti që vjen do të jetë më i mirë edhe për sigurinë,  pasi të gjithë aleatët janë bashkuar në krahun e paqes./ CNA.al





Lajmet e fundit nga