web counter
LEXO PA REKLAMA!

SHKARKO APP

App Store
Google Play

E fundit!

x

Kokalari, për herë të pestë/ “Puna ime me PD-në ka mbaruar”

9 Tetor 2022, 22:47, Politikë CNA
Kokalari, për herë të pestë/ “Puna ime me PD-në
Aktivistja Evi Kokalari

Pas sulmeve të vazhdueshme ndaj kryetarit të Partisë Demokratike, Sali Berisha, sekretarit të Përgjithshëm dhe eksponentëve të PD-së e FRPD-së, aktivistja Evi Kokalari, ka njoftuar sërish shkëputjen nga e djathta.

Me anë të një statusi në rrjetet sociale, Kokalari thotë për të disatën herë se e ka mbyllur punën me PD-në dhe do të vazhdojë jetën e saj në SHBA.

Pikërisht këtë shkëputje Kokalari e ka njoftuar edhe 4 herë të tjera, por është kthyer për t'u përplasur kot së koti me njerëz dhe gjithmonë ka humbur.

Si justifikim ka gjetur tërheqjen. Kjo e sotmja është e hera e pestë.

“Puna e shumë nga ne që ndihmuam nga larg tashmë ka mbaruar. U angazhuam sërish kur pamë që po rrëshqiste në po të njëjtën greminë nga e cila e nxorëm, por nëse ju nuk keni dëshirën të shpëtoni veten, asnjë ndihmë nga jashtë nuk do t'ju bëjë derman. Ndoshta e meritoni të prekni njëherë fundin e greminës që të ngriheni në këmbë ashtu siç duhet.

Zoti ju bekoftë, se seriozisht e keni shumë të nevojshme.

Ndërkohë, unë do t’i kthehem jetës sime në Amerikë, biznesit, politikës dhe miqve të mi të mrekullueshëm.

Do të vij në Shqipëri për ato miqësi që krijova gjatë kësaj kohe, ku hyjnë gjithashtu njerëz të politikës, medias dhe biznesit. Do vazhdoj të angazhohem me konservatorizëm të pastër në Ballkan dhe në Europë. Kemi shumë plane në të ardhmen për këtë, ama kurrë nuk do lejoj më njëri të ma çojë të gjithë atë energji dhe mund kot, vetëm e vetëm që të fuqizojë po ata që kanë qenë dhe janë pjesë e kastës politike që ka shkaktuar gjendjen ku Shqipëria është sot”, shkruan ajo ndër të tjera./ B.A. – CNA.al

Kokalari, për herë të pestë/ “Puna ime me PD-në





Lajmet e fundit nga