web counter
LEXO PA REKLAMA!

SHKARKO APP

App Store
Google Play

E fundit!

x

Foto-Berisha “çon” në këmbë Lazaratin/ Zbulon bisedën e Ramës me një socialist dhe premton

8 Tetor 2022, 13:56, Politikë CNA

Foto-Berisha “çon” në këmbë Lazaratin/ Zbulon

“Lazarati përjetësisht me Partinë Demokratike. Mirë se erdhe në shtëpinë tënde doktor Sali Berisha”

Më këto moto dhe me lule është pritur kreu i PD-së Sali Berisha në Lazarat.

Berisha është takuar me banorët atje ku ka nënvizuar se qëllimi i këtij regjimi është përzënia e qytetarëve nga vendi.

Foto-Berisha “çon” në këmbë Lazaratin/ Zbulon

“Dua të përulem me nderimin më të madh, me mirënjohjen më të thellë, para jush, për mbështetjen e jashtëzakonshme që ju i keni dhënë PD-së që nga themelimi i saj.

Dua të shpreh krenarinë time të madhe me këtë mbështetje dhe t’ju garantoj se ndjehem krenar me mbështetjen e secilit prej jush, se ndjehem i detyruar pafundësisht ndaj jush, njerëz fisnikë, atdhetarë, punëtorë, për kontributin tuaj në demokraci, për kontributin tuaj si bastion i pamposhtur i atdhetarizmit.

Vij këtu nga Libohova dhe një mik i imi më tha se Edi Rama i paska thënë një socialisti të thekur, se Libohovën dua ta vë në heshtje dhe Lazaratin ta shpërbëj fare.

I them Edi Ramës se nuk ka asnjë forcë ta shpërbëjë Lazaratin. Këtë u përpoq ta bëjë diktatura më e egër dhe ata përfunduan në koshat e historisë dhe Lazarati mbeti bastion i lirisë.

Prandaj ideja e vazhdimit të etërve të tu mizorë, të persekutimit të Lazaratit, do marrë përgjigjen e merituar në zgjedhjet e ardhshme, do marrë përgjigjen e merituar në mbarë Shqipërinë”, është shprehur Berisha./CNA.al





Lajmet e fundit nga