E fundit!

14:19 Aktualitet

Qeveria plan për rivlerësimin e profesioneve të rregulluara, në fokus 323 kategori

Shqipëria do të nisë një proces të gjerë për rishikimin e ...

“Shkërmoqet" grupi i Bashës”/ Zbardhen gënjeshtrat e Alibeajt

8 Tetor 2022, 10:05, Politikë CNA

“Shkërmoqet" grupi i Bashës”/ Zbardhen

Enkelejd Alibeaj që njihet si deputet i Lulzim Bashës, ka thënë se Partia Demokratike do të ketë kandidatët e saj në zgjedhjet e vitit 2023.

Në një intervistë për News24, Alibeaj tha se PD do të këtë kandidatët e saj në zgjedhjet lokale, duke lënë të kuptohet se opozita do të ketë 2 kandidatë.

Enkelejd Alibeaj

Por, deklaratat e Alibeajt janë përgënjeshtruar nga deputetë të grupit Basha, pra të grupit të tij.

Deputetët Agron Gjekmarkaj, Ervin Salianji, Dhurata Çupi, Samir Korreshi dhe Xhelal Mziu, për news 24, kanë deklaruar se nuk kanë dijeni që të jetë mbledhur grupi parlamentar për të vendosur për kandidatët

Sipas Gjekmarkaj vetëm me kandidatë të përbashkët ka shanse opozita për gare reale për zgjedhjet lokale të 2023-shit.

Agron Gjekmarkaj

“ Vetëm me kandidat te përbashkët opozita ka shanse reale gare. Por nuk e di të jetë mbledhur grupi parlamentar dhe të jenë marrë vendime, si i vetmi institucion qe e ka këtë tagër në kushtet ku jemi”, ka thënë Gjekmarkaj.

Edhe Ervin Salianji, ka thënë se opozita duhet të jetë e bashkuar.

Ervin Salianji

“Fat i keq për demokratët që të zgjedhurit e tyre janë në garë inati dhe jo në logjikë dhe as arsye! Dua të le mënjanë modestinë, pavarësisht se jam votuar thuajse nga 10.000 qytetarë në Korçë, deri sot askush nuk më ka kontaktuar dhe as pyetur. Mendoj që opozita duhet të jetë e bashkuar. Beteja mediatike që bëjnë demokratet ndaj njeri-tjetrit nuk i shërben qytetarëve që po përballen me një qeverisje prepotente skandaloze, demokratët po i dëmton deri ne palcë”, ka thënë Salianji.

Në të njëjtën linjë ka qëndruar edhe deputetja Dhurata Çupi, e cila ka deklaruar se PD duhet të përfaqësohet në zgjehdjet vendore me një kandidat.

Dhurata Çupi

“Ne duhet të përpiqemi të gjithë të dalim me një kandidat. Është detyrim i joni ndaj demokratëve të dalim bashkë. Ështe detyrim i joni si drejtues, mos të bjerremi pas sedrës personale apo interesave personale. Demokratët nuk e duan sjelljen e ndasive dhe ne duhet t’ju përgjigjemi interesave te tyre”, ka thënë Çupi.

Deputeti i Lushnjës, Saimir Korreshi, ka thënë se nëse PD do të dalë me dy kandidatë, ai nuk do të marrë pjesë në zgjedhje.

Saimir Korreshi

"Unë qëndrimin tim e kam bërë publik. Në një palë zgjedhje si ato të 2023-it, kur mund të këtë 2 kandidate ne zgjedhje te PD-se, nuk do te marr pjesë.”. theksoi Korreshi.

Edhe deputeti Xhelal Mziu është shprehur se çdo subjekt politik opozitar që del në zgjedhje me kandidatë të vetët dhe jo në koalicion, do të konsiderohet ‘patericë’ e Ramës.

Xhelal Mziu

“Çdo subjekt politik opozitar që del në zgjedhjet lokale të 2023 me kandidatë të vetët, por jo në koalicion, do të konsiderohet një patericë e Edi Ramës”, pohoi Mziu./CNA.al