web counter
LEXO PA REKLAMA!

SHKARKO APP

App Store
Google Play

“Do të ngrihemi në protesta të fuqishme”/ Paralajmërimi i radhës i Berishës

7 Tetor 2022, 11:07, Politikë CNA

“Do të ngrihemi në protesta të fuqishme”/

Kreu i PD-së, Sali Berisha, sërish ka folur për protesta.

Nga Memaliaj ku është ndalur te zhvillimet e fundit në lidhje me aferën e inceneratorëve, dhe me rritjen e çmimit të naftës, Berisha ka paralajmëruar protesta të fuqishme.

"A mund ta pranojmë ne këtë rritje të çmimit të naftës? Jo, sepse është e tëra vjedhje.

Pse Kosova dhe Mali i Zi ta kenë 900 lekë më lirë? Kjo sepse Rama ka gjetur naftën, energjinë, si një shpatë mbi kokën e shqiptarëve.

Ne do të ngrihemi dhe do të ngrihemi në protesta të fuqishme”, ka thënë Berisha.

Sipas Berishës Rama po e përdor energjinë si një shpatë Damokleu mbi shqiptarët, kur nuk kemi asnjë arsye pse të jemi në krizë

“Po e përdor energjinë si një shpatë Damokleu mbi shqiptarët, kur nuk kemi asnjë arsye pse të jemi në krizë. Falë asaj strategjie të PD, ndërtimit të HEC-eve të reja, sot prodhimi i energjisë prej tyre është mbi dyfishuar.

Edi Rama e ka kthyer në bixhoz, shet pasurinë publike me çmimet që i leverdisin atij, dhe faturën e paguani ju, e paguajnë shqiptarët.

Furrave të bukës, furrave të kafshatës, ua ka rritur çmimin në 225 lekë kilovati. Çfarë do bëjë furrxhiu? Vëreni veten në vendin e tij. Atë çmim do ia faturojë klientit.

Ndërkohë 200 milionë euro është detyrimi që kanë institucionet shtetërore ndaj OSSH. Ju i keni dhënë paratë për të paguar energjinë, taksat janë dhënë, por janë vjedhur dhe shpërdoruar nga zyrtarët”, është shprehur Berisha"./ CNA.al

 





Lajmet e fundit nga