web counter
LEXO PA REKLAMA!

SHKARKO APP

App Store
Google Play

E fundit!

x

Iu anulua ftesa nga Berlini?/ Meta nxjerr në sulm Tedi Blushin

6 Tetor 2022, 15:50, Politikë CNA
Iu anulua ftesa nga Berlini?/ Meta nxjerr në sulm Tedi Blushin
Ilir Meta dhe Tedi Blushi

“Blushi i Metës’, në rolin e sekretarit të përgjithshëm të PL-së, ka reaguar për një lajm të qarkulluar në media se Ilir Metës i është anuluar një ftesë e ardhur, teksa ky i fundit po përgatitej për të shkuar në Berlin.

Blushi thotë se ky lajm është i rremë, ndërsa sulmon median e Caro Bolinos, teksa deklaron se ajo po dezinformon duke gënjyer lexuesit.

Sipas tij, e-maili nuk është çuar në adresën e Partisë së Lirisë, por në adresën LSI-së, Ralf Gjonit dhe në adresën fake të Monika Kryemadhit.

“Është gënjeshtër!

Është "fake news"!

Një rast flagrant, për të ardhur keq, se si në mungesë të theksuar profesionalizmi, një media e kapur dhe në shërbim 24/24 të propagandës së fëlliqur të Qeverisë, dezinformon hapur duke gënjyer ditën për diell lexuesit, me një mashtrim kaq të trashë.

Ilir Meta as ka kërkuar të shkojë i ftuar diku në Berlin dhe as ka kërkuar ndonjë ftesë se ka punë shumë të rëndësishme në Shqipëri!

Email që pretendohet nuk është çuar në adresën e Partisë së Lirisë, por në adresën [email protected], në email të Ralf Gjonit dhe adresën fake të Monika Kryemadhit, që nuk ekziston: [email protected].

Asnjë surprizë nga një portal i ulur në gjunjë para Edi Ramës, i financuar nga paratë që qelben erë incenerator, mafie vendase dhe italiane!

Dhe nëse ky "Fake News" nuk është produkt i tyre le të tregojnë emrin e "gjermanit" që ja u ka servirur, i cili me siguri duhet të jetë ndonjë nga ata qejflinjtë e eurove që financohen me fondet e kartelit Sinaloa!

Edhe shtyllës së turpit do t'i vinte ndot të publikonte një gënjeshtër kaq të pështirë!

Ndaj këtë "Fake News" merreni, bëjeni shuk dhe futjani Edvinit dhe Taos atje ku u shijon më shumë!

Dhe mos harroni: Refuzoni të ndotni sytë duke lexuar të tilla portale të mbushura me gënjeshtra!”, shkruan Tedi Blushi në rrjetet sociale./ B.A. – CNA.al

Iu anulua ftesa nga Berlini?/ Meta nxjerr në sulm Tedi Blushin





Lajmet e fundit nga