web counter
LEXO PA REKLAMA!

SHKARKO APP

App Store
Google Play

Lobimi rus zbret në Kuvend/ "Zhduket" Basha

6 Tetor 2022, 15:00, Politikë CNA

Lobimi rus zbret në Kuvend/ "Zhduket" Basha

Skandali me lobimin rus është rikthyer sot në Kuvend. Deputetët e partisë socialiste e kanë rikthyer në vëmendje këtë çështje teksa po shkëmbenin akuza me deputetët opozitar, por personi që ka një dosje në prokurori për këtë nuk është prezent.

“Ne do të vijojmë me aleatët ju vijoni me renegatët. Për sistemin e energjisë mund të të përmend edhe 50 për qind humbje në sistem në kohën tuaj. Si vini këtu e flisni për rrënim të sistemin energjitik. S’e di ku e gjeni këtë guxim. Ju se keni problem të përdorni si armë kundër partisë suaj. Ju e mbronit Lul Bashën, i pastër si kristali. Ky me para ruse? PD që ka sjellë këtu lirinë e demokracinë? Ku e keni sot Lulin? Sot keni ngritur audit sa për të qeshur, për të gjetur rublat në xhepat e Lulit. Kjo është qesharake. Kjo nuk ju shkon juve që pretendoni se jeni një burrë shteti. As në makthin më të madh nuk qeverisni dot shqiptarët.”- u shpreh Spiropali.

Sakaq Pandeli Majko e ktheu vëmendjen nga patronazhistët e PS, te patronazhistët e San Petërburgut siç i quajti ai.

 “Patronazhistët e San Peterburgut janë problemi real që duhet të diskutojmë sot. Ne jemi nën një akt terrorist nga Irani, por problemin më të madh e kemi me një që e kemi brenda radhëve tona. PD ka marrë para nga San Peterburgu. Ajo që ka ndodhur me PD-në dhe që ishte partia e studentëve ka marrë para ruse. Këto para nuk do t'i gjeni ndonjëherë te PS. E kuptoj që po reflektoni. Ne si vende anëtare të NATO-s nuk mund ta kalojmë këtë me një komision auditi në PD. Kjo është më e thellë. Ka prekur statusin tuaj moral dhe juridik.”- u shpreh Majko./CNA.al

 





Lajmet e fundit nga