web counter
LEXO PA REKLAMA!

SHKARKO APP

App Store
Google Play

Socialisti që ka zëvendësuar Lulzim Bashën/ Erion Braçe, kritiku i Qeverisë në Kuvend

6 Tetor 2022, 13:03, Politikë CNA

Socialisti që ka zëvendësuar Lulzim Bashën/ Erion

Deputeti i Partisë Socialiste, Erion Braçe, nuk ka hezituar edhe sot që të bëjë rolin e opozitarit, kur foli lidhur me prodhimin bujqësor. 

Braçe ia kalon edhe Lulzim Bashës me rolin e opozitarit. Basha as bëri opozitë dhe as po bën opozitë. Edhe kur ishte në krye të PD-së, më shumë opozitë bënte Braçe.

Sot Braçe, është spostuar në rolin e kritikut të Qeverisë, ndërsa ka folur për fermerët.

Ai u shpreh, se problemi më i madh qëndron te shitja e prodhimit, pasi sistemi i tatimit, sipas tij e ka dërrmuar përpunimin e drejtë formal që synon standardin dhe cilësinë në prodhim. 

Braçe shprehet më tej se fermerëve duhet t'u jepet tani nafta, pasi në këtë periudhë punohet toka. 

"Gjithë bota ka problem prodhimin në bujqësi, ne kemi shitjen. Sistemi i tatimit që kemi ka dërrmuar përpunimin e drejtë formal që synon standardin dhe cilësinë. Kur vjen paketa fiskale dhe buxheti i ri duhet të ketë diskutime për t'u dhënë zgjidhje këtyre bujqve që janë në pikë të hallit. Gruri për herë të parë po merr vëmendje, por së prapthi. Bujku po kthehet në prodhues letrash nëpër zyra nga prodhues nëpër fusha. Thoni e ka Erioni inatin me këtë e atë, ndërkohë po ju them atë që thonë bujqit. Nafta duhet të shkojë deri në fund tani. Ka ende familje bujqësore që nuk e kanë marrë naftën. Duhet të jepet tani, sepse tani plugohet toka', ka ka thënë ai.

Braçe më tej është ndalur tek pagat e zjarrfikësve.

"Çdo rritje pagash është e mirëpritur, por insistoj tek ajo pjesa e një kategorie punëtorësh që janë në rrezik gjithë ditën. Te zjarrfikësit, nuk janë punonjës administrate, nuk shkojnë në zyra. Meritojnë rritje page në përputhje me rrezikun e punës që bëjnë. Mund të ishin në një nivel me policinë, madje mund të kishin dhe një status më lartë. Tani është koha që këto kategori të trajtohen ndryshe, të marrin pagën në përputhje me punën që bëjnë”, u shpreh Braçe nga foltorja e Kuvendit./CNA.al





Lajmet e fundit nga