web counter
LEXO PA REKLAMA!

SHKARKO APP

App Store
Google Play

Braçe zbulon prapaskenat/ Si ia bëri PS qokën Alibeajt

5 Tetor 2022, 19:57, Politikë CNA
Braçe zbulon prapaskenat/ Si ia bëri PS qokën Alibeajt
Deputeti i Partisë Socialiste, Erion Braçe

Deputeti i Partisë Socialiste, Erion Braçe, ka reaguar në lidhje me marrjen si i pandehur të kryebashkiakut të Mallakastrës nga GJKKO.

Braçe ngriti akuzat në "Report TV" se ky hetim bëhet për qokë ndaj deputetit të PD-së, Enkelejd Alibeaj.

"U dërgua për gjykim kryetari i bashkisë Mallakastër për falsifikim formularësh, për çfarë po flasim, ka pasur një fatkeqësi në Greqi. Për çfarë përndiqet ky, që t’i bëhet qokë Enkelejd Alibeajt. Është turp. Po të kenë takat të futen në garë", u shpreh ai. 

Teksa e cilësoi një gjë të padrejtë, ish-zv.kryeministri deklaroi se opozita po përkëdhelet nga socialistët.

"Nuk duhet përdhelur askush në opozitë kur kërkon një gjë të padrejtë. Çfarë janë këto përkëdhelje. E gjithë politika, nuk po flas vetëm për këta të opozitës që qajnë e përkëdhelen. PD është bërë copa e gjithsecili do të bëjë të përkëdhelurin e kanë fokusin të marrin diçka nga drejtësia. Reforma u bë që politikanët të mos kishin më as prokurorin e gjykatën që e kishin vendosur vetë. Kjo histori që del njëri e tjetri e thotë që SPAK-u po vonon shiko me çfarë merret. Politikani nuk është rracë tjetër në këtë vend, është njësoj si qytetari, duhet ta qepë e të mos ushtrojë presion ndaj organeve të drejtësisë. Duhet t’i lënë këto historitë me kallëzime të rreme", theksoi deputeti./ B.A. – CNA.al





Lajmet e fundit nga