web counter
LEXO PA REKLAMA!

SHKARKO APP

App Store
Google Play

E fundit!

x

Berisha, ofertë Alibeajt për 'Territorialen'/ Duma: E domosdoshme dhe e sinqertë

6 Tetor 2022, 22:35, Politikë CNA
Berisha, ofertë Alibeajt për 'Territorialen'/ Duma: E
Deputetja Grida Duma

Deputetja Grida Duma komentoi mbrëmjen e sotme ofertën e Sali Berishës për grupin e Enkelejd Alibeajt, që të dalin me një draft të përbashkët për Reformën Territoriale.

Duma tha në emisionin “Debat” se kjo ofertë është e domosdoshme dhe e sinqertë, ndërsa theksoi se do të bëjë aq sa ka mundësi që opozita të jetë e unifikuar.

“E shoh si logjikë e domosdoshme e një kohezioni të plotë që duhet të kemi në zgjedhje. Gjithë kampi opozitar duhet të përqendrojë forcat dhe kampi opozitar duhet të jetë i unifikuar. Do të bëj aq sa është në mundësinë time për të dhënë kontributin tim ndaj kësaj qasjeje. Të kthejmë detyrimin te njerëzit që presin fitoren në shumë bashki të vendit dhe që janë pararendje e zgjedhjeve të përgjithshme. Si unë ka shumë deputetë të tjerë që nuk e lidhin kontributin e tyre me palët por me votuesit e tyre. Ka deputetë që janë të lidhur me terrenin e kanë më të lehtë dhe ka deputetë që lidhjen me votuesit e kanë jetik. Për ne ku do të jemi, do të jemi të unifikuar. Nuk kam arsye të mendoj pse nuk është i sinqertë, nëse do të ndërtohet ky draft ne kemi prodhuar një finale që është e përbashkët”, u shpreh ajo.

Sipas deputetes, në bazën e Partisë Demokratike nuk ka çarje të thellë dhe te njerëzit nuk ka zhveshje të imazhit të së djathtës.

“Unë nuk besoj që ka çarje të thellë në bazë. Qëkur jam ulur me njerëzit dhe kam diskutuar para dhe pas 6 marsit për të gjetur mënyrat për ta bërë PD-në fituese. Unë nuk e kam bërë. Nuk ka zhveshje të imazhit të PD, ka shumë demokratë që thonë ju duam bashkë. Kudo që të jenë deputetët e PD unë shoh që demokratët e strukturave të kontribuojnë. Njerëzit e partisë nuk duan çështje të ndasive. Jemi në një situatë që nuk meritohet dhe njerëzit nuk e pranojnë më.  Cilido që të jetë kandidati shpresoj të jetë një. Dua shumë që kjo parti të forcohet, të fitojë terren të motivojë njerëzit e vet tu japë pesë politike njerëzve në terrene dhe pasi të ketë ngritur këtë shkallare që e humbi në 2017 e 2019”, nënvizoi Duma./ B.A. – CNA.al





Lajmet e fundit nga